باتىس قازاقستاندا جىل باسىنان بەرى 381 وقۋشىدان كوروناۆيرۋس انىقتالعان
ونىڭ 187 ءسى وففلاين فورماتتا وقيتىن وقۋشىلار بولسا، 194 جاعداي قاشىقتان وقيتىن وقۋشىلار اراسىندا تىركەلگەن، دەپ حابارلايدى قازاقپارات ۆەدومستۆوارالىق كوميسسيانىڭ باسپا ءسوز قىزمەتىنە سىلتەمە جاساپ.
3- توقسان باستالعالى (11- قاڭتاردان باستاپ) وبلىس مەكتەپتەرىنىڭ وقۋشىلارى اراسىندا 167 كۆي جۇقتىرۋ فاكتىلەرى تىركەلگەن. 89 وقۋشى وففلاين فورماتتا، 78 ى قاشىقتان وقيتىن وقۋشىلار اراسىندا انىقتالعان.
2021-جىلدىڭ 8-12- اقپان ارالىعىندا وبلىس اۋماعىنداعى قالالار مەن اۋدانداردىڭ باس مەملەكەتتىك سانيتاريالىق دارىگەرلەرىنىڭ قاۋلىسىمەن 13 مەكتەپ كارانتينگە جابىلعان.
2021-جىلدىڭ باسىنان باتىس قازاقستان وبلىسىنىڭ اۋماعىنداعى مەملەكەتتىك شەكارا بەكەتتەرى ارقىلى 34899 ادام وتكەن. 6955 جولاۋشىنىڭ 867 سىندە COVID-19 عا تەرىس ناتيجەسى كورسەتىلگەن انىقتاما بولماعان.
اتالعان جولاۋشىلار 3 تاۋلىككە كارانتيندىك ستاتسيونارعا ورنالاستىرىلىپ، پ ت ر ادىسىمەن COVID-19 تەست الىنعان، 4 جولاۋشىنىڭ تەست قورىتىندىسى وڭ ناتيجە كورسەتكەن. اتالعان ارالىقتا ب ق و اۋماعى ارقىلى ەكى جاقتى قاتىناستا حالىقارالىق جۇك تاسىمالدارىن جۇزەگە اسىراتىن 18265 جۇرگىزۋشى وتكەن.
5850 جۇرگىزۋشىنىڭ ارنايى انىقتاماسى بولماۋىنا بايلانىستى پ ت ر ادىسىمەن COVID-19 تەست الىنىپ، 7 جۇرگىزۋشىنىڭ ك ۆ ي جۇقتىرعانى انىقتالعان.