قاڭتار وقيعاسى بويىنشا 381 قىلمىستىق ءىس اياسىندا 10 ادام عانا قاماۋدا وتىر – ءى ءى م

نۇر-سۇلتان. قازاقپارات - قاڭتار وقيعاسىنا قاتىستى ق ر ىشكى ىستەر مينيسترلىگىنىڭ قاراۋىنداعى 381 قىلمىستىق ءىس بويىنشا 10 ادام عانا قاماۋدا وتىر.

مينيسترلىكتىڭ تەرگەۋ دەپارتامەنتى باستىعىنىڭ ورىنباسارى مۇحتار قوجايەۆ ورتالىق كوممۋنكاتسيالار قىزمەتىندە وتكەن بريفينگىدە وسىنداي دەرەك كەلتىردى، دەپ حابارلايدى قازاقپارات ءتىلشىسى.

«بۇگىنگى تاڭدا ىشكى ىستەر ورگاندارى تەرگەۋشىلەرىنىڭ وندىرىسىندە 381 قىلمىستىق ءىس بار. ول ىستەر بويىنشا 10 ادام قاماۋدا وتىر. ىستەر بۇدان ءبىراز بۇرىنعى ساننان ازايدى، ويتكەنى قازىرگى تاڭعا دەيىن كوپتەگەن قىلمىستىق ءىس بويىنشا پروتسەستىك شەشىم شىعىپ قويعان. ماسەلەن، قازىرگى ۋاقىتتا 589 كۇدىكتىگە قاتىستى 359 ءىس ايىپتاۋ اكتىسىمەن سوتقا جولداندى. ولاردىڭ كوپشىلىگى - جاپپاي تارتىپسىزدىك بارىسىندا ۇرلىق جاساۋ، قارۋ ۇرلاۋ جانە زاڭسىز ساقتاۋ، كولىك قۇرالدارىن زاڭسىز ايداپ كەتۋ، توناۋ جانە بۇزاقىلىق»، - دەدى ءى ءى م وكىلى.

سونداي-اق، 460 ادامعا ۇكىم شىقققان.

«ونىڭ ىشىندە 371 ادامنىڭ باس بوستاندىعى شەكتەلدى. 4 ادام قوعامدىق جۇمىسقا تارتىلىپ، 5 ادامعا ايىپپۇل سالىندى. اۋىر جانە اسا اۋىر قىلمىس جاساعانى ءۇشىن 80 ادام باس بوستاندىعىنان ايىرىلدى. كەلگەن شىعىندى وتەۋىنە جانە تاراپتاردىڭ تاتۋلاسۋىنا بايلانىستى سوت 13 ادامدى قىلمىستىق جاۋاپكەرشىلىكتەن بوساتتى. قازىرگى تاڭدا سوت وندىرىسىندە 116 سوتتالۋشىعا قاتىستى 55 قىلمىستىق ءىس قارالىپ جاتىر»، - دەدى مۇحتار قوجايەۆ.