ارىس قالاسىنان 380 مىڭ وق- ءدارى قالدىعى شىعارىلدى

نۇر- سۇلتان. قازاقپارات - تۇركىستان وبلىسىنداعى ارىس قالاسىنان ءبىر جىل ىشىندە شامامەن 380 مىڭ وق- ءدارى شىعارىلدى. ونىڭ 300 مىڭعا جۋىعى جارىلۋ قاۋپى بار وق.

بۇل تۋرالى بۇگىن ق ر قورعانىس ءمينيسترىنىڭ ورىنباسارى باقىت قۇرمانبايەۆ ايتتى، دەپ حابارلايدى قازاقپارات ءتىلشىسى.

«جارىلۋ قاۋپى بار فراگمەنتتەردى تاسىمالداۋ ءۇشىن اۆتوموبيلدەرمەن 5 مىڭنان استام رەيس ورىندالدى. ال، بۇل تەك ءبىر جۇك كولىگى عانا ەمەس. اسكەري عىلىم ەرەجەسىنە سايكەس، وق- دارىلەردى قورعاۋ جانە وعان ىلەسىپ ءجۇرۋ جۇمىستارىن اسكەري قارۋلى قاراۋىلدار مەن اسكەري پوليتسيا كۇشتەرى جۇزەگە اسىرادى»، - دەدى ول.

گەنەرال- مايور توتەنشە جاعداي ورىن العانعا دەيىن دە وق- دارىلەردى بىتىراتىپ ورنالاستىرۋ بويىنشا اۋقىمدى جۇمىستار جۇرگىزىلگەنىن ايتادى. «بۇل رەتتە، ءوز ومىرلەرىن قاۋىپ- قاتەرگە تىگە وتىرىپ، بورىشتارىن جوعارى كاسىبي دەڭگەيدە اتقارعان اسكەري قىزمەتشىلەردىڭ باتىرلىعىن اتاپ وتپەسەم بولمايدى. سوندىقتان دا، ونداعان اسكەري قىزمەتشى ناگرادالارعا ۇسىنىلدى»، - دەدى باقىت قۇرمانبايەۆ.

اۆتور: مارلان جيەمباي