كەرەكۋلىك ۆەلوشاباندوز ماسكەۋگە دەيىن 3800 شاقىرىمدى ءجۇرىپ ءوتتى
اۋەسقوي ۆەلوشاباندوز 22 كۇننىڭ ىشىندە 3 مىڭ 800 شاقىرىمدى باعىندىرعان. اۋىلدا دەنە شىنىقتىرۋدان ساباق بەرەتىن مەكتەپ ءمۇعالىمى بۇل ويىن جۇزەگە اسىرماس بۇرىن جارتى جىل دايىندالعان.
بۇعان دەيىن ءومىرجان وشانوۆ جەڭىستىڭ 70 جىلدىعىنا ارناپ ەرتىس وزەنىندە 70 شاقىرىم جەردى كىدىرمەستەن ءجۇزىپ ءوتىپ، رەكورد ورناتقان ەدى. ەندى، مىنە، ول ۆەلوسيپەدپەن ماسكەۋگە جەتكەن العاشقى قازاق اتاندى.
ال ءومىرجان وشانوۆقا جول بويى ونىڭ دوسى ءارى تۇيدەي قۇرداسى قولداۋ كورسەتىپ، ارتىنان كولىكپەن ءجۇرىپ وتىرعان. سونداي-اق ولار رەسەيدىڭ چەليابى، ۋفا، چەبوكسارى قالالارىنا ايالداپ، ونداعى ۇلى وتان سوعىسى ارداگەرلەرىمەن كەزدەسكەن.
قازاقستان حالقىنىڭ اتىنان شاعىن سىيلىقتار تارتۋ ەتتى. اۋەسقوي ۆەلوشاباندوزدى كرەملدىڭ الدىندا ماسەكۋدەگى جەرلەستەرىمىز قارسى الدى.
ءومىرجان وشانوۆ، شارباقتى اۋدانىنىڭ تۇرعىنى:
- كۇنىنە باسىندا 150 شاقىرىمنان باستادىم، دەنەم ۇيرەنگەننەن كەيىن 160-210 شاقىرمعا دەيىن باردىم. ارينە، اۋا رايى قولايسىز بولدى. جاۋىن، قار جاۋدى، ورال تاۋىن وتكەندە ءبىراز قيىندىقتار بولدى.
