قازاقستانعا كۆوتا بويىنشا كەلگەن 38 مىڭ ادامنىڭ 63 پايىزى بىلىكتى مامان - ب. نۇرىمبەتوۆ

 استانا. قازاقپارات - قازاقستاندا كۆوتا بويىنشا 38 مىڭ شەتەلدىك جۇمىس ىستەۋدە. بۇل تۋرالى بۇگىن ورتالىق كوممۋنيكاتسيالار قىزمەتىندە ق ر دەنساۋلىق ساقتاۋ جانە الەۋمەتتىك دامۋ ۆيتسە- ءمينيسترى ءبىرجان نۇرىمبەتوۆ ءمالىم ەتتى.

 «جالپى وتاندىق كوشى- قون ساياساتى ەكى قاعيداتتارعا سۇيەنەدى: ءبىرىنشىسى - ىشكى ەڭبەك نارىعىن قورعاۋ، ەكىنشىسى - شەتەلدەن بىلىكتىلىگى جوعارى مامانداردى تارتۋ. ءبىزدىڭ ەلدە قازىرگى ۋاقىتتا شەتەلدىك ەڭبەك كۇشىن تارتۋ ءتارتىبى كۆوتا بولۋگە جانە رۇقسات بەرۋگە نەگىزدەلەدى. كۆوتانى ۇكىمەت بەلگىلەيدى، ولار ەلدەگى شەتەلدىك ەڭبەك ادامدارىنىڭ سان مولشەرىن بەكىتەدى. كەيىن ول كۆوتالار جۇمىس بەرۋشىلەردىڭ وتىنىشتەرىنە بايلانىستى ايماقتارعا ۇلەستىرىلەدى»، - دەدى ول.

 ونىڭ حابارلاۋىنشا، 2015 - جىلى قازاقستاندا كۆوتا ەكونوميكالىق بەلسەندى حالىقتىڭ 0,7 پايىز ۇلەسىن قۇراۋى ءتيىس دەپ بەكىتىلدى جانە 63 مىڭ ادامدى قۇراپ وتىر.

«بىزدە قازىر  38346 رەسمي تۇردە شەتەلدىك ساراپشى جۇمىس اتقارىپ جاتىر. ولاردىڭ 63 پايىزى جوعارى بىلىكتى ماماندار، توپ- مەنەدجەرلەر، ورتا دەڭگەيدەگى باسقارۋشىلار، 37 پايىز - بىلىكتى ماماندار مەن جۇمىسكەرلەر. قازاقستانعا 144 ەلدەن شەتەل ماماندارى ەڭبەك ەتۋدە، ولاردىڭ 60 پايىزى قۇرىلىستا جۇمىس جاسايدى»، - دەپ اتاپ ءوتتى ب. نۇرىمبەتوۆ.

 اۆتور: ءابۋ- اسقار مەكەش ۇلى