ومىرگە 38 بالانى دۇنيەگە اكەلگەن 37 جاستاعى ايەلدى كۇيەۋى تاستاپ كەتتى

استانا. قازاقپارات - ۋگاندادا 37 جاستاعى ايەل 38 بالا تاربيەلەپ وتىر. بارلىعىن تابيعي جولمەن بوسانعان ەكەن.

بۇل تۋرالى tuko.co.ke حابارلايدى.

كابيمبيري اۋىلىنىڭ تۇرعىنى ءماريام 13 جاسىندا تۇرمىسقا شىققان. ول 6 رەت ەگىز بالالاردى، 4 رەت ۇشەمدەردى، 3 رەت تورتەمدەردى جانە 2 رەت ءبىر- ءبىر نارەستەنى دۇنيەگە اكەلەدى. كورشىلەرى ونى «ەگىزدەپ تۋاتىن انا» دەپ اتاپ كەتكەن.

«مەنىڭ اكەمنىڭ ءارتۇرلى ايەلدەن 5 بالاسى بار. ولاردىڭ بارلىعى دەرلىك ەگىز، ۇشەم نەمەسە تورتەم بولىپ دۇنيەگە كەلگەن»، - دەيدى ءماريام.

دارىگەرلەردىڭ ايتۋىنشا، ايەلدىڭ گەنى اكەسىنە تارتقان. شىن مانىندە، ءماريام كوپ بالا تۋعىسى كەلمەيدى ەكەن. ونىڭ ۇستىنە وتاعاسى قامقورلىق تانىتۋدان باس تارتىپ ۇيدەن كەتىپ قالعان. كەي بالالارى اكەسىن تانىمايدى ەكەن.