ءارقايسىسى ءوز نەسىبەسىمەن: 38 جاسىندا 12 بالانى ومىرگە اكەلگەن انا نەنى ارماندايدى
بالالاردىڭ التاۋى - ۇل، التاۋى - قىز. شاڭىراعىن شاتتىققا تولتىرعان 38 جاستاعى ءلاززات بۇلتانوۆا تاعى دا بالالى بولۋدان باس تارتپايتىنىن ايتادى.
KAZ. NUR. KZ ءتىلشىسى كوپبالالى وتباسىمەن ارنايى بارىپ تانىستى. بالالاردىڭ الدى 21-دە، ستۋدەنت، ال كەنجەسى - التى ايلىق.
«كوپ بالالى بولۋدىڭ قيىندىعى جوق. ءبىر بالانى باققانداي باعا بەرەمىز. ءارقايسىسى ءوز نەسىبەسىمەن. تۇڭعىشىم ۇل، ەكىنشىسى - قىز. بار بالانى قىزىم باقتى. سونىڭ ارقاسىندا بالالاردىڭ اياققا ورالىپ جۇرگەنىن سەزبەدىك. قىزىم وقۋعا كەتكەننەن كەيىن بالا باعۋدىڭ قانداي بولاتىنىن ەندى سەزىپ جاتىرمىز»، - دەيدى كوپبالالى اكە باقبەرگەن مەدەتوۆ. كوپبالالى اتا-انا.
كوپبالالى ءۇيدىڭ كۇيبەڭ تىرلىگى تاڭعى ساعات جەتى بولماي باستالادى ەكەن. اناسى ءلاززات بۇلتانوۆا كۇندەلىكتى بالالاردىڭ تاماعىن بەرىپ، ساباققا جىبەرىپ، تۇسكى اسىن دايىندايدى. ايتۋىنشا، كۇنىنە التى كۇلشە نان پىسىرەدى.
2000 -جىلى 18 جاسىمدا تۇرمىسقا شىقتىم. جولداسىم ەكەۋمىز دە كوپ بالالى وتباسىنان شىقتىق. ەنەمنىڭ جەتى ۇلى بار. جولداسىم ءۇيىنىڭ ۇلكەنى. جاسى مەنەن ۇلكەن كەلىندەر «جولىڭ ۇلكەن» دەپ سىيلاپ وتىرادى. كەلىن بولىپ تۇسكەندە «ون بالالى بولامىن» دەپ ايتقانىم بار. سول تىلەگىم قابىل بولعان شىعار. اللا بەرسە، ءالى دە تۋا بەرەمىن. جولداسىم وزىڭە قارا دەپ ايتىپ وتىرادى. ءوزىم دە ادەمىلىكتى جاقسى كورەمىن. قىز كۇنىمدە اينانىڭ الدىن بەرمەۋشى ەدىم.
قازىر دە كۇتىنىپ جۇرگەندى جاقسى كورەمىن. بالالارىم جاقسى جۇمىس ورنىنا تۇرىپ، ءار قايسىسى ءوز ورىندارىن تاۋىپ اياقتانسا دەپ ارماندايمىن«، - دەيدى ءلاززات. 21 جاستاعى ۇلكەن ۇلى جاقىندا ەڭبەككە ارالاسقان. ودان كەيىنگى ەكى قىزى - ستۋدەنت.
اناسىنىڭ ايتۋىنشا، ەكەۋى دە گرانتتا وقيدى. بالالارىنىڭ زەرەكتىگىن ايتقان اناسى ءبىر قوراپ بوپ جينالعان مەدالدار مەن ماقتاۋ قاعازدارىن دا كورسەتتى. مەدالدار، ماراپاتتاۋ قاعازدارىن كورسەتىپ جاتقان انا.
«ءبىر قىزىم تۇركيادا ءبىلىم الىپ ءجۇر. ەكىنشى قىزىم اقتوبەدە ديزاينەر ماماندىعى بويىنشا وقيدى. بالالاردىڭ ءبارى جاقسى وقيدى. مەكتەپ تابالدىرىعىن اتتاعاننان باستاپ ماقتاۋ قاعازدارىن ءبىر قوراپ قىلىپ جيناپ قويدىق. قىزىل ديپلومدارى بار. ءبىز ومىردە بارىنە شىدادىق. قازىر بالالارعا ء«بىلىمدى بولىڭدار، وقىڭدار» دەپ ايتىپ وتىرامىز. قازىر بىلىمدىلەردىڭ زامانى. ءوزىم جوعارى ءبىلىم العان جوقپىن. ەسەسىنە، اۋىلدىڭ كەلىنشەكتەرىنە موتيۆاتسيا بەرەمىن. ء«سىز سياقتى كوپ بالالى بولعىمىز كەلەدى» دەپ كەلىنشەكتەر ىرىمداپ جۇرەدى«، - دەيدى ءلاززات بۇلتانوۆا. بالالاردىڭ تۋۋ تۋرالى كۋالىكتەرى.
وتباسى 2008 -جىلى بەس بالامەن قاراقالپاقستاننان كوشىپ كەلگەن. العاشىندا مۇعالجار اۋدانىنىڭ جۇرىن اۋىلىندا تۇرعان. 2018 -جىلى اۋدان اكىمىنىڭ قابىلداۋىنا كىرىپ، قاندىاعاش قالاسىنىڭ ورتالىعىنان 4 بولمەلى جالعا بەرىلەتىن ءۇي العان. وتباسى جەكە ءۇيىنىڭ بولعانىن ارماندايدى.»كوپ بالالى وتباسىنىڭ جۇرىنداعى ءۇيى كەزىندە اپاتتىق دەپ تانىلدى. جەرى اكىمدىككە بەرىلدى. 2018 -جىلى اۋدان ورتالىعىنان «نۇرلى جەر» باعدارلاماسىمەن سالىنعان 4 بولمەلى ارەندالىق ءۇي بەرىلدى. قازىر ماجىلىستە «نۇرلى جەر» ۇيلەرىن جەكەشەلەندىرۋگە بەرۋ تۋرالى سۇراق قارالىپ جاتىر. بولاشاقتا وزگەرىس بولسا، بەلگىلەنگەن باعانى تولەپ، جەكەگە اۋىستىرۋى مۇمكىن«، - دەيدى مۇعالجار اۋدانى اكىمدىگىنىڭ باس مامانى نۇرداۋلەت نىسانبايەۆ.
ايتا كەتەيىك، اقتوبە وبلىسىندا 10 جانە 10 نان كوپ بالاسى بار جەتى وتباسى تۇرادى. ونىڭ تورتەۋى قالادا، قالعاندارى العا، مۇعالجار، شالقار اۋداندارىندا.
اۆتورى: ارداق ەرۋبايەۆا
