بۇدان 37 جىل بۇرىن جوعالىپ كەتكەن الپينيستىڭ سۇيەگى تابىلدى

استانا. قازاقپارات - 1986 -جىلى سەرماتت تاۋلارىندا جوعالىپ كەتكەن 38 جاستاعى نەمىس الپينيسىنىڭ قالدىقتارى تابىلدى، دەپ حابارلايدى قازاقپارات «ازەرتادج» اگەنتتىگىنە سىلتەمە جاساپ.
None

اگەنتتىكتىڭ شۆەيتساريالىق ب ا ق-قا سىلتەمە جاساپ حابارلاۋىنشا، 1986 -جىلدىڭ قىركۇيەگىندە تانىمال شۆەيتساريا كۋرورتى - سەرماتتا 38 جاستاعى گەرمانيا الپينيسى ءىز-ءتۇزسىز جوعالىپ كەتكەن. سول كەزدە ىزدەۋ جۇمىستارىنان ەشقانداي ناتيجە شىقپادى. 37 جىل وتكەننەن كەيىن الپينيستەر تەودۋل مۇزدىعىنان ادام سۇيەكتەرىن كەزدەيسوق تاپتى. د ن ق ارقىلى بۇل كەزىندە جوعالىپ كەتكەن نەمىس الپينيسى ەكەنى دالەلدەندى.

ۆالە كانتونى پوليتسياسىنىڭ حابارلاۋىنشا، 1986 -جىلى ول سەرماتت ايماعىندا تاۋعا شىعىپ، لاگەرگە قايتا ورالماعان. ۇزاق ۋاقىت بويى ءىز-ءتۇزسىز جوعالعاندار قاتارىندا بولدى. ەندى مىنە، قۇرال-سايماندارىمەن (تاۋعا شىعۋعا ارنالعان باتەڭكە مەن تاياعى) بىرگە تابىلدى. ونىڭ سۇيەگى سيون قالاسىنداعى ۆالە كانتونىنىڭ كانتوندىق ەمحاناسى جانىنداعى سوت مەديتسينا ينستيتۋتىندا زەرتتەلدى.

«د ن ق ناتيجەسى بۇل 1986 -جىلدىڭ قىركۇيەگىنەن بەرى ءىز-ءتۇزسىز جوعالعاندار قاتارىندا بولعان الپينيست ەكەنىن كورسەتتى»، - دەلىنگەن كانتوندىق پوليتسيانىڭ باسپا ءسوز حابارىندا.

جاھاندىق جىلىنۋعا بايلانىستى ءالپى تاۋلارىنداعى مۇزدىقتار ەرىپ جاتىر. سونىڭ ناتيجەسىندە الپينيستەر مەن باقتاشىلار ونداعان جىل بۇرىن جوعالىپ كەتكەن ادام سۇيەكتەرى مەن ەسكى زاتتاردى ءجيى تاۋىپ ءجۇر.


سوڭعى جاڭالىقتار