قىزىلوردادا 37 جاستاعى اۋىل تۇرعىنى شەڭگەل مەن سەكسەۋىلدىڭ اراسىنا ەسىرتكى وسىرگەن
ول «قاراسورا-2022» جەدەل- پروفيلاكتيكالىق شاراسى كەزىندە قولعا ءتۇستى. قىزىلوردا قالاسىندا تۇراتىن 37 جاستاعى جۇمىسسىز ازامات شيەلى اۋدانىنا قاراستى جۋانتوبە اۋىلىنان وڭتۇستىك- باتىسقا قاراي 45 شاقىرىم جەردەگى شەڭگەل مەن سەكسەۋىل اراسىندا سورا وسىرگەن.
«ارنايى باپتاپ وسىرىلگەن سورانىڭ ۇزىندىعى 60-70 سانتيمەترگە جەتكەن. پوليتسەيلەر وقيعا ورنىنان ءىرى ەسىرتكى القابىنان بولەك ارنايى كەپتىرىلگەن ماريحۋانا، سورا وسىرۋگە ارنالعان ارنايى جابدىقتار، ەكى ناسوس، پالاتكا، موتور جانە وزگە دە زاتتاردى تاركىلەدى. تاركىلەنگەن 4 116 ءتۇپ سورا وسىمدىگىنىڭ جالپى سالماعى 34 كەلىنى قۇرادى»، - دەپ ءمالىم ەتتى قىزىلوردا وبلىستىق پوليتسيا دەپارتامەنتىنەن.
ۆەدومستۆو مالىمەتىنشە، كۇدىكتى شيەلى اۋداندىق پوليتسيا ءبولىمىنىڭ ۋاقىتشا ۇستاۋ يزولياتورىنا قاماۋعا الىنعان. بۇل دەرەك بويىنشا ق ر قىلمىستىق كودەكسىنىڭ 296-بابىنىڭ 3-بولىگىمەن جانە 300-بابىنىڭ 2-بولىگىمەن سوتقا دەيىنگى تەرگەۋ ءجۇرىپ جاتىر.
ەسكە سالساق، بۇدان بۇرىن قىزىلوردادا سينتەتيكالىق ەسىرتكى زاتتارىن تاسىمالداعان الماتىلىق بويجەتكەن قولعا تۇسكەن ەدى.
