37 مىڭعا جۋىق مەديتسينا مامانى سەرتيفيكاتسىز جۇمىس ىستەگەن

None
None
نۇر-سۇلتان. قازاقپارات - ەسەپ كوميتەتى ەكونوميكانىڭ ناقتى سەكتورىنا اۋديت جۇرگىزۋ دەپارتامەنتى ديرەكتورىنىڭ ورىنباسارى نۇرلان قاترەنوۆ مەديتسينا ماماندارىنىڭ سەرتيفيكاتسىز جۇمىس ىستەپ كەلگەنىن مالىمدەدى، دەپ حابارلايدى قازاقپارات ءتىلشىسى.

اعىمداعى جىلدىڭ ءساۋىر ايىنا دەيىن قازاقستاندا جەكە جانە مەملەكەتتىك سەكتورلارعا 324 مىڭ مەديتسينا مامانى تىركەلگەن.

ونىڭ ىشىندە دارىگەرلەر - 97 مىڭ (30 پايىز) ، ورتا مەديتسينالىق پەرسونال - 227 مىڭ (70 پايىز) ادام.

«وسى پەرسونالدىڭ ىشىندەگى 36 954 (11 پايىز) ماماندا كلينيكالىق پراكتيكاعا رۇقسات بەرەتىن سەرتيفيكات بولماعان. ونىڭ 11 مىڭى دارىگەرلىك، 25646 مىڭى ورتا مەديتسينالىق پەرسونال»، - دەدى نۇرلان قاترەنوۆ ەسەپ كوميتەتىنىڭ وتىرىسىندا.

ونىڭ ايتۋىنشا، 112 مىڭنان استام مەديتسينا مامانىنىڭ ءبىلىمى مەن كاسىبي دايارلىعى تەكسەرىلمەي پراكتيكاعا جىبەرىلگەن. بۇرىن حابارلاعانىمىزداي، ەلىمىزدە مەديتسينا ماماندارىنىڭ تاپشىلىعى 2 ەسەگە ارتقان.

سونىمەن قاتار 2019-2021-جىلدارداعى اۋديت قورىتىندىسى بويىنشا ەسەپ كوميتەتى 5,8 ميلليارد تەڭگەنى قۇرايتىن قارجىلىق قۇقىق بۇزۋشىلىقتاردى انىقتادى. تاعى 7,5 ميلليارد تەڭگە بولاتىن بيۋجەت قاراجاتىنىڭ ءتيىمسىز پايدالانىلعانى تۋرالى دەرەك تىركەلگەن.

سوڭعى جاڭالىقتار