قازاقستاندىق جاۋىنگەرلەر 37 ەلدىڭ اسكەريلەرى باس قوسقان وقۋ- جاتتىعۋ جيىنىنا قاتىستى
وقۋ- جاتتىعۋلار تۇركيا رەسپۋبليكاسىنىڭ يزمير قالاسى ماڭىنداعى «دوعانبەي» پوليگونىندا ءوتىپ جاتىر. وعان 37 ەلدىڭ اسكەري وكىلدەرى، ونىڭ ىشىندە قازاقستان قارۋلى كۇشتەرىنىڭ اسكەري قىزمەتشىلەرى دە قاتىسۋدا. مانيەۆرلەر بارىسىندا ءتۇرارالىق توپتار قۇرامىنداعى ءوزارا ءىس- قيمىل پىسىقتالدى. وقۋ- جاتتىعۋعا قاتىسۋشىلاردىڭ بىرلەسكەن ءىس- قيمىلدارى اسكەري شەبەرلىك دەڭگەيىن كوتەرۋگە، جەكە قۇرامنىڭ قاجەتتى جاۋىنگەرلىك داعدىلارىن ارتتىرۋعا جانە ارنايى وپەراتسيالار كۇشتەرى بولىمشەلەرىنىڭ جاۋىنگەرلىك دايارلىعىن جەتىلدىرۋگە باعىتتالعان.
سونداي- اق، ءىس- شارالار بارىسىندا ولاردىڭ پروبلەمالاردى شەشۋ دايىندىعى پىسىقتالماق. ءبىزدىڭ اسكەري قىزمەتشىلەر تەڭىز دەسانتىن ءتۇسىرۋدى قامتاماسىز ەتۋگە قاتىسىپ، پاراشيۋتپەن سەكىردى. مەرگەندەر جۇبى شەبەرلىكتەرىن كورسەتتى.
سونداي- اق، ارميا اۆياتسياسى مەن باسقارىلاتىن وق- دارىلەردى نىساناعا الۋدى تاجىريبە تۇرىندە پىسىقتادى. ساپار بارىسىندا گەنەرال- لەيتەنانت مارات حۋساينوۆتىڭ تۇركيا ۇلتتىق قورعانىس ءمينيسترى حۋلۋسي اكارمەن جانە تۇركيا قارۋلى كۇشتەرى باس شتابىنىڭ باستىعى ارميا گەنەرالى ياشار گۇلەرمەن جۇمىس كەزدەسۋلەرى ءوتىپ، قورعانىس ونەركاسىبى كوميتەتىنىڭ وقۋ- جاتتىعۋلاردى باسقارۋ جانە كورمە ورتالىعىنا باردى.
