نۇر- سۇلتان حالقىنىڭ 37 پايىزى عانا كوروناۆيرۋسقا قارسى يممۋنيتەت بار

«قالامىزدا 1 ميلليون 200 مىڭنان استام ادام تۇرادى. سونىڭ ىشىندە ازىرگە 37 پايىزى ۆاكسينا الىپ ۇلگەردى. ياعني قازىرگى تاڭدا نۇر- سۇلتان حالقىنىڭ % 37- ىندە يممۋنيتەت بار. جالپى ۇجىمدىق يممۋنيتەت تۇراقتى بولۋ ءۇشىن بۇل كورسەتكىش % 60- دان جوعارى بولۋ جانە سوعان جەتۋىمىز كەرەك. سول ءۇشىن جۇمىس ىستەپ جاتىرمىز»، - دەدى ت. مۇراتوۆ №71 مەكتەپ- ليتسەيدە تىلشىلەرگە بەرگەن سۇحباتىندا.

ماماننىڭ ايتۋىنشا، ەلوردادا سوڭعى 1 ايداعى ەپيدەميولوگيالىق جاعداي دەنساۋلىق ساقتاۋ جۇيەسىندە دە، ستاتسيونارلاردا دا تۇراقتى.

«بۇگىندە 450-دەن ارتىق ناۋقاس ستاتسيوناردا جاتىر. 1500-گە جۋىق ناۋقاس امبۋلاتوريالىق ەم قابىلداۋدا. جەدەل جاردەمگە تۇسەتىن كوۆيد بويىنشا جۇكتەمە بۇرىنعىدان ارتىق ەمەس. بۇرىن قىركۇيەك- قازان ايلارىندا شىلدە- تامىزبەن سالىستىرعاندا ىندەت تومەندەسە، قازىرگى كۇنى تومەنگى شەگىنە جەتىپ، قازىر تۇراقتى تۇردە تۇر»، - دەدى ت. مۇراتوۆ.

ايتا كەتەيىك، ق ر دەنساۋلىق ساقتاۋ ۆيتسە- ءمينيسترى اجار عينيات پەن سانيتارلىق- ەپيدەميولوگيالىق باقىلاۋ كوميتەتىنىڭ ءتوراعاسى ايجان ەسماعامبەتوۆا جانە ەلوردالىق دەنساۋلىق ساقتاۋ باسقارماسى بالالار ۆاكسيناتسياسىن باقىلاۋ ءۇشىن ەلوردالىق №71 مەكتەپ- ليتسەيگە باردى.

قازاقستاندا 3300 بالا Pfizer ۆاكسيناسىن سالدىردى جانە ەشقايسىسىنان قاتتى جاناما اسەر بايقالعان جوق. قازىرگى ۋاقىتتا ەلوردادا كۇن سايىن Pfizer ۆاكسيناسىنىڭ 500 دوزاسى سالىنىپ جاتىر.

اۆتور: ايجان سەرىكجان قىزى