قازاقستاندا تاعى 37 سىرقات كوروناۆيرۋستان قايتىس بولدى

نۇر- سۇلتان. قازاقپارات – ق ر دەنساۋلىق ساقتاۋ مينيسترلىگى سوڭعى تاۋلىكتە كوروناۆيرۋستان كوز جۇمعاندار ستاتيستيكاسىن جاريالادى.

وعان سايكەس 6-قازان كۇنى قازاقستان اۋماعىندا 37 ادام - كوروناۆيرۋستان، تاعى 6 ادام - پنيەۆمونيادان قايتقان. كوروناۆيرۋستان اجال قۇشقانداردىڭ ىشىندە ەڭ كوبى الماتى قالاسىندا - 8 ناۋقاس.

پاۆلودار وبلىسىندا – 6، سولتۇستىك قازاقستان جانە باتىس قازاقستان وبلىستارىندا – 4، الماتى جانە قاراعاندى وبلىستارىندا – 3، شىمكەنت جانە نۇر- سۇلتان قالالارى مەن اقمولا وبلىسىندا – 2، اتىراۋ، جامبىل جانە شىعىس قازاقستان وبلىستارىندا - ءبىر ادامنان كوز جۇمعان.

تەك تۇركىستان، قوستاناي، اقتوبە جانە قىزىلوردا وبلىستارىندا عانا كوروناۆيرۋستان ءولىم- ءجىتىم بولعان جوق.