مينيستر كوروناۆيرۋستىڭ رەسمي ستاتيستيكاسىنان بولەك تاعى 37 ادام كوز جۇمعانىن ايتتى
ەلجان ءبىرتانوۆتىڭ اتاپ وتۋىنشە، بۇگىنگە دەيىن كوروناۆيرۋسپەن تىركەلگەن 12124 ادامنىڭ 48 ءى قايتىس بولدى. بۇل - ناۋقاستاردىڭ 0,4 پايىزى.
«ارينە، بۇدان بولەك 37 جاعدايدا باسقا اۋرۋدان قايتىس بولعان ناۋقاستا كوروناۆيرۋس بولعاندىقتان، ولار دا تىركەۋگە الىندى. ءبىراق، ءبىزدىڭ رەسمي ستاتيستيكاعا كىرگىزگەن جوقپىز. ونىڭ سەبەبى - دۇنيەجۇزىلىك دەنساۋلىق ساقتاۋ ۇيىمىنىڭ ءتارتىبى، رەگلامەنتى بويىنشا دياگنوز قويامىز»، - دەدى ول.
ءمينيستردىڭ سوزىنە سەنسەك، قازاقستاندا كوروناۆيرۋس جۇقتىرعانداردىڭ 1 پايىزى عانا اۋىر جاعدايدا. بۇعان قوسا ەلىمىزدە 100 مىڭ تۇرعىنعا شاققاندا ۆيرۋستان كوز جۇمعانداردىڭ ۇلەسى - 0,3 پايىز.
«بۇل وزگە كوپتەگەن ەلدەرگە قاراعاندا ايتارلىقتاي تومەن كورسەتكىش سانالادى. بۇعان قوسا، ءبىز سيفرلاردىڭ جاساندى تۇردە تومەندەتىلۋىنە جول بەرمەيمىز. زەرتحانادا دالەلدەندەگەن جاعدايدىڭ ءبارىن بىلەمىز»، - دەدى ەلجان ءبىرتانوۆ.
