قورعاستان ءسىڭلىسىنىڭ قۇجاتىمەن شەكارادان وتپەك بولعان 37 جاستاعى ايەل ۇستالدى
بۇل تۋرالى ۇ ق ك شەكارا قىزمەتىنە سىلتەمە جاساپ، قازاقپارات حابارلايدى.
تەكسەرۋگە ۇسىنعان قۇجاتى بويىنشا 1985-جىلى تۋعان شولپان، ءبىر قاراعان ادامعا ەشقانداي كۇدىك كەلتىرمەيتىن ەدى. ءتۇر-الپەتى قۇجاتتاعى سۋرەتكە كەلىڭكىرەيدى.
«شەكاراشىلاردىڭ كۇدىگى راسقا اينالدى. شەكاراشىلارمەن 33 جاستاعى شولپان بولىپ تانىسقان كەلىنشەك، شىن مانىندە ونىڭ 37 جاستاعى تۋعان اپكەسى ايمان بولىپ شىقتى (ەسىمدەرى وزگەرتىلگەن)» دەلىنگەن حابارلامادا.
بوتەن قۇجات كورسەتۋىنىڭ سەبەبى - وعان ەلدەن شىعۋعا تىيىم سالىنعان ەكەن. بۇل جايىندا ىشكى ىستەر ورگاندارىنا حابارلاندى.
وسى تەكسەرۋ پۋنكتىنىڭ شەكاراشىلارى كەشە كەشكىلىك 18:30 شاماسىندا ورتالىقتىڭ اۋماعىن ارالاپ ءجۇرىپ اۆتوكولىكتەر تۇراعىنىڭ ماڭىنان 8 قوراپقا سالىنعان، جالپى سالماعى 180 كەلىگە جۋىق قىتاي ءدارى-دارمەگىن تاۋىپ الدى. ەشقانداي قۇجاتسىز جۇكتىڭ، ادەتتەگىدەي، يەسى تابىلعان جوق.