جاپونيا فەرمەرلەردى روبوتتارمەن الماستىرۋعا 37 ميلليون دوللار بولمەك
ءبىراق تا ادامداردى قىسقارتۋ جوسپارلانىپ وتىرعان جوق، ال تەحنيكا زەينەت دەمالىسىنا شىعاتىن ادامداردى عانا اۋىستىرادى. جاڭا باعدارلامانىڭ باستالعانى تۋرالى جاپونيا اۋىل شارۋاشىلىعى ءمينيسترى حيروشي دايدو G7 بويىنشا ارىپتەستەرىمەن نييگاتە پرەفەكتۋراسىندا ازىق- تۇلىككە سۇرانىستىڭ ءوسۋىن تالقىلاۋ بارىسىندا مالىمدەدى.
حيروشي دۆايدونىڭ تۇسىندىرۋىنشە، جاپونياداعى فەرمەرلەردىڭ ورتا جاسى 67 جاس. جىل اسقان سايىن وزدەرىنىڭ ورنىن باساتىن ادامداردى تابۋ قيىنداپ بارادى، ال جاستار جەرمەن جۇمىس جاساۋعا قۇلىقسىز. سوندىقتان دا روبوتتاردى اۋىل شارۋاشىلىعىندا بەلسەندى پايدالانۋ بۇل سالاداعى جۇمىس قولى جەتىسپەۋى پروبلەماسىنان قۇتىلۋعا مۇمكىندىك بەرەدى.
ءمينيستردىڭ ايتۋىنشا، وسى باعدارلامانى جۇزەگە اسىرۋعا ءبىر جىلدا 4 ميلليارد يەن (37 ميلليون دوللار) جۇمسالاتىن بولادى. قاراجات اۋىل شارۋاشىلىعى روبوت تەحنيكاسىن ەنگىزۋگە، سونداي- اق روبوتتاردىڭ جاڭا 20 ۇلگىسىن جاساۋعا كەتەدى. سونداي-اق ەگىن جيناۋ كەزەڭىندە شابدالىنىڭ پىسكەن جەمىستەرىن انىقتايتىن روبوتتار شىعارۋ دا كوزدەلۋدە.
