08:11, 24 - ناۋرىز 2016 | GMT +5
قىتايدا ءدارى- دارمەككە قاتىستى جانجالدان كەيىن 37 ادام قاماۋعا الىندى
استانا. قازاقپارات - قىتايدا ءدارى- دارمەكتەردى زاڭسىز ساتۋمەن اينالىستى دەگەن كۇدىكپەن 37 ادام قاماۋعا الىندى،
دەپ حابارلادى شينحۋا اگەنتتىگى.
تەرگەۋشىلەردىڭ مالىمەتىنشە، ولار قۇتىرۋ، В گەپاتيتى جانە پوليومەليتكە قارسى ۆاكسينالاردى جوعارى باعامەن قايتا ساتۋمەن اينالىسقان ءىرى جەلىنىڭ ىزىنە ءتۇستى.
بيزنەستى شاندۇڭ پروۆينتسياسىندا ۇستالعان كەلىنشەك پەن ونىڭ قىزى ۇيىمداستىرعان. حابارلانىپ وتىرعانداي، ولار 2011 -جىلدان باستاپ ليتسەنزياسى بار جانە زاڭسىز وندىرۋشىلەردەن ءدارى- دارمەكتەر ساتىپ الىپ، ولاردى قارا بازاردا نەمەسە اۋرۋحانالارعا ساتقان، دەپ جازادى ВВС.
بۇل رەتتە ءدارى- دارمەكتەردى ساقتاۋ جانە تاسىمالداۋ تالاپتارى ساقتالماعان. بەس جىلدىڭ ىشىندە ايەل زاڭسىز ساۋدادان 88 ميلليون دوللار پايدا تاپقان.
