قول كۇرەسىنەن 37 كارىستى جەڭگەن قازاق سپورتشىسى

استانا. قازاقپارات - 2015 -جىلدىڭ قازان ايىنىڭ 29-31- جۇلدىزدارى ارالىعىندا تاراز قالاسىندا ارمرەستلينگتەن ازيانىڭ اشىق كۋبوگى ءوتتى.

قۇرلىق كۋبوگى ءۇشىن تالاستا ازيانىڭ 21 ەلىنەن 277 سپورتشى قاتىستى.

قازاقستان ۇلتتىق قۇراماسى ساپىندا شاردارالىق 10 سپورتشى ەلىمىزدىڭ نامىسىن قورعادى.

شاردارا اۋدانى نەگىزگى قۇراما سپورتشىلارىنىڭ قاراشا ايىندا پولشادا وتەتىن الەم كۋبوگىنا قاتىسۋىنا بايلانىستى بۇل جارىسقا 2-قۇراممەن قاتىستى. قوسالقى قۇرامامىزدىڭ ءوزى ازيانىڭ ەپتى سپورتشىلارىن جەڭىپ، ناتيجەسىندە 6 التىن، 4 كۇمىس مەدالعا قول جەتكىزدى.

جارىستىڭ كوركىن تۇركيادان كەلگەن 130 كەلى سالماعى بار داڭقتى فەريت وسمانلي مەن 85 كەلى سالماقتاعى قازاقستاندىق قىدىرعالي وڭعاربايەۆ اراسىنداعى جەكپە-جەك قىزدىردى.

زالداعى مىڭداعان جەرلەستەرىنىڭ قولداۋىنىڭ جانە سايىسقا دەگەن تىڭعىلىقتى دايىندىعىنىڭ ناتيجەسىندە قىدىرعالي وڭعاربايەۆ تۇرىك سپورتشىسىن جەڭىپ، ەلدىڭ رۋحىن ءبىر كوتەرىپ تاستادى.

قىدىرعالي وسى جەڭىسىنە وراي ازيا فەدەراتسياسى تاعايىنداعان قوماقتى قارجىلاي سىيلىققا يە بولدى.

nur.kz