20:55, 20 - شىلدە 2015 | GMT +5
پەتروپاۆلدا جاۋىن سالدارىنان 37 جەكە ءۇيدى سۋ باستى - فوتو
پەتروپاۆل. قازاقپارات - پەتروپاۆلدا وتكەن دەمالىس كۇندەرى قاتتى جاۋىن سالدارىنان 37 جەكە ءۇيدى سۋ باستى.
نەگىزىنەن، جۇمىسشىلار كەنتى، بەنزوستروي، پودگورا مەن كوپاي اۋداندارىنىڭ تۇرعىندارى جاپا شەكتى. بۇل تۋرالى س ق و ت ج د باسپا ءسوز قىزمەتى حابارلادى.
«كۇردەلى مەتەورولوگيالىق جاعدايعا بايلانىستى 2015 -جىلى 18-19 -شىلدەدە پەتروپاۆلدا 37 جەكە تۇرعىن ءۇيدى سۋ باستى. الاڭداعان ازاماتتار «112» قىزمەتىنە تەلەفون سوعىپ، كومەك سۇراعان. ت ج د داعدارىس ورتالىعىنىڭ بازاسىندا جەدەل شتاب قۇرىلىپ، تاۋلىك بويى كەزەكشىلىك ۇيىمداستىرىلدى»، - دەدى س ق و ت ج د توتەنشە جاعدايلاردى جويۋ ءبولىمىنىڭ باس مامانى بولات يتجانوۆ.
ادامداردى قۇتقارۋ شاراسىنا 40 تان استام قۇتقارۋشى مەن 12 تەحنيكا تارتىلدى. ۇيلەردەن 1500 تەكشە مەتردەن استام جاۋىن سۋى شىعارىلدى، دەپ حابارلادى ۆەدومستۆودا.
