وڭتۇستىك كورەيادا كوروناۆيرۋس جۇقتىرعان 376 جاڭا جاعداي انىقتالدى
ەلدە ۆيرۋستان 17 ادام كوز جۇمدى. كورەيا اۋرۋدى باقىلاۋ جانە الدىن الۋ ورتالىعىنىڭ (KCDC) مالىمەتىنە سايكەس، ۆيرۋس جۇقتىرعان 376 جاڭا جاعدايدىڭ 333 ءى سەۋلدەن وڭتۇستىك- شىعىسقا قاراي 300 شاقىرىم جەردە ورنالاسقان تەگۋ قالاسىندا تىركەلسە، 26 سى - كورشىلەس سولتۇستىك كەنساندو پروۆينتسياسىندا. سونداي- اق وزگە دە ءىرى پروۆينسيالار مەن قالالاردا اۋرۋ جۇقتىرعان بىرنەشە جاعداي تۋرالى حابارلاندى. سەۋلدە تاعى بەس ادام ينفەكتسيانى جۇقتىرعان. سونىمەن قاتار ۇلكەندىگى جاعىنان وڭتۇستىك كورەيانىڭ ەكىنشى قالاسى پۋساندا دا ءبىر تۇرعىننان ۆيرۋس تابىلعان. ەلدە تىركەلگەن ينفەكسيانىڭ 87 پايىزدان استامى تەگۋ قالاسى مەن سولتۇستىك كەنساندو پروۆينتسياسىنا تيەسىلى. الداعى كۇندەرى وڭتۇستىك كورەيادا ۆيرۋس جۇقتىرعانداردىڭ سانى ارتۋى مۇمكىن، ويتكەنى دەنساۋلىق ساقتاۋ ورگاندارى 210 مىڭنان استام ييسۋس سينچحوندجي شىركەۋىنىڭ (Shincheonji Church of Jesus) مۇشەسىن تەكسەرۋدى باستادى.
دەنساۋلىق ساقتاۋ ورگاندارى ەلدەگى ينفەكسيا جۇقتىرۋدىڭ جارتىسىنان استامى جەرگىلىكتى ءدىني سەكتا سينچحوندجيگە (Shincheonji) قاتىستى دەپ كۇدىكتەنىپ وتىر. جەكسەنبى كۇنى تاڭەرتەڭ وڭتۇستىك كورەيادا 32422 ادام تەكسەرۋدەن ءوتىپ جاتىر جالپى 61037 ادامنىڭ تالداۋى تەرىس ناتيجە كورسەتتى. ساۋىعىپ شىققاندار سانى 30 عا جەتتى. وڭتۇستىك كورەيا ەلىندە كوروناۆيرۋس العاش رەت 20 - قاڭتاردا تىركەلدى. ول كەزدە ۆيرۋس ءورشىپ تۇرعان ۋحاننان كەلگەن قىتاي ازاماتشاسىنىڭ تەستىنەن ۆيرۋس تابىلدى. بۇعان دەيىن حابارلاعانداي، 1 - ناۋرىزدان باستاپ كوروناۆيرۋسقا بايلانىستى قازاقستان وڭتۇستىك كورەياعا ۇشاتىن اۋە رەيستەرىنىڭ سانىن قىسقارتتى. سونداي- اق، قازاقستان ەلشىلىگى وسى ەلدە جۇرگەن قازاقستاندىقتاردىڭ ءتىزىمىن جاساي باستادى.
