قىتايدا تابىلعان جەر شارىنداعى ەڭ قارت اعاش 374 ميلليون جاستا
استانا. قازاقپارات - عالىمدار جەر بەتىندەگى العاشقى اعاشتار قارتايۋىنا بايلانىستى وزدىگىنەن جويىلىپ كەتكەنىن انىقتادى. بۇل جايلى The Los Angeles Times جازادى.
عالىمدار قىتايدىڭ شىنجاڭ پروۆينتسياسىنان تابىلعان جەردەگى العاشقى اعاشتاردىڭ تاسقا اينالعان قالدىقتارىن زەرتتەي كەلە وسىنداي قورىتىندى جاسادى. تابىلعان قازبا دەرەكتەرىنىڭ جاسى 374 ميلليون جىل توڭىرەگىندە. عىلىمي جۋرنالداردا جاريالانعان مالىمەتتەرگە قاراعاندا، ولار ەجەلگى ورمان تابيعاتىنىڭ قالىپتاسۋىنا، جەردەگى كليماتتىڭ ەۆوليۋتسياسىنىڭ دامۋىنا نەگىز بولعان. تابىلعان اعاش قالدىقتارىن قىرىققۇلاقتى وسىمدىكتەر (پاپوروتنيكتەر) داۋىرىنە ءتيىستى. زەرتتەۋشىلەر ول اعاشتاردىڭ بيىكتىگى 10-12 مەتر، ءدىڭىنىڭ جۋاندىعى 1 مەتر شاماسىندا بولعانىن انىقتادى، سونداي- اق توبەسىنەن بۇتاق شىعارعانىنا قاراپ، ولاردى سىرتتاي پالما اعاشتارىنا ۇقساتۋعا بولاتىنىن ايتادى.
عالىمداردىڭ مالىمدەۋىنشە، جەر بەتىندە ءبىزدىڭ داۋىرىمىزگە دەيىنگى 393-372 ميلليون جىلدار ارالىعىندا وسكەن اعاشتاردىڭ نەگىزگى جاۋى قوڭىزدار مەن كوپ اياقتىلار بولعان، ويتكەنى وسىمدىكپەن قورەكتەنەتىن جانۋارلار ول داۋىردە ءالى پايدا بولماعان ەدى. ول اعاشتار وسە كەلە ءدىڭى بولىكتەرگە ءبولىنىپ، وزىننەن- ءوزى جويىلا بەرگەن.
