بيىل مەكتەپ تابالدىرىعىن العاش اتتايتىن بۇلدىرشىندەر سانى 370 مىڭعا جەتتى

استانا. قازاقپارات - جاڭا وقۋ جىلىندا ءبىرىنشى سىنىپقا 370 مىڭ وقۋشى بارادى. بۇل تۋرالى بۇگىن ورتالىق كوممۋنيكاتسيالار قىزمەتىندەگى باسپا ءسوز قىزمەتىندە ءبىلىم جانە عىلىم ۆيتسە- ءمينيسترى ەلميرا سۋحانبەرديەۆا ءمالىم ەتتى.
None
None

 «بيىل قازاقستان مەكتەپتەرىنە 2,8 ميلليوننان استام وقۋشى بارادى، سونىمەن قاتار مەكتەپ تابالدىرىعىن العاش اتتايتىن بۇلدىرشىندەر سانى 370 مىڭعا جۋىق. جەرگىلىكتى اتقارۋ ورگاندارىنىڭ اقپاراتىنا سۇيەنسەك، جاڭا وقۋ جىلىندا جۇمىس ىستەيتىن مەكتەپتەر سانى  7126-نى قۇرايدى. اعىمداعى جىلى 92 مەكتەپتى پايدالانۋعا بەرۋ جوسپارلانسا، 1 - قىركۇيەككە دەيىن 60 نىسان تاپسىرىلادى، ال 2016 -جىلدىڭ سوڭىنا دەيىن 32 مەكتەپتىڭ قۇرىلىسى اياقتالادى»، - دەدى ۆيتسە- مينيستر.

ونىڭ سوزىنە قاراعاندا، بيىل پايدالانۋعا بەرىلەتىن 92 نىساننىڭ ىشىندە 31 ءۇش اۋىسىمدى مەكتەپتەر پروبلەماسىن شەشۋگە، 29-ى اپاتتى نىسانداردى الماستىرۋعا جانە 14 مەكتەپ وقۋشى ورىندارىنىڭ تاپشىلىعىن قىسقارتۋعا نەگىزدەلگەن. سونىمەن قاتار 13 مەكتەپ لايىقتالعان عيماراتتاردى الماستىرۋعا، تاعى بەسەۋى مەكتەپتەرى جوق ەلدى مەكەندەردە سالىنۋدا.

اۆتور: رۋسلان عابباسوۆ

سوڭعى جاڭالىقتار