دۇنيەجۇزىلىك بانك مۇناي باعاسىنىڭ بولجامىن باررەلىنە 37 دەن 41 دوللارعا دەيىن ءوسىردى

استانا. قازاقپارات - دۇنيەجۇزىلىك بانك 2016 -جىلعى ءوزىنىڭ مۇناي باعاسى بولجامىن باررەلىنە 37 دەن 41 دوللارعا دەيىن ارتتىردى.
None
None

بۇل تۋرالى ۇيىم حابارلاماسىندا ايتىلعان، دەپ جازادى Lenta.ru.

«ءبىز جىل ىشىندە ەنەرگيا كوزدەرىنە باعا جوعارىلايدى، دەپ كۇتەمىز، ويتكەنى مول ۇسىنىستار كەزەڭىنەن كەيىن نارىقتاعى تەپە- تەڭدىك قالپىنا كەلدى»، - دەپ اتاپ ءوتتى اعا ەكونوميست دجون باففەس.

دەگەنمەن، ونىڭ پىكىرىنشە، ەگەر وپەك ءوندىرىستى ەداۋىر ۇلعايتاتىن بولسا جانە و پ ە ك- كە كىرمەيتىن ەلدەردە ءوندىرىس كۇتكەندەگىدەي جىلدام تومەندەمەيتىن بولسا، ەنەرگيا كوزدەرىنە باعالار مۇنان دا قۇلدىراۋى مۇمكىن.

بەيسەنبى كۇنى، 26 -ساۋىردە لوندوننىڭ ICE بيرجاسىندا Brent ماركالى مۇناي باعاسى باررەلىنە 45 دوللاردان استى. ال ەتالوندىق سورتتىڭ باعاسى 45,8 دوللاردى قۇرادى.

17 -ساۋىردە كاتار استاناسى - دوحادا مۇناي ءوندىرۋشى ەلدەر وكىلدەرىنىڭ كەزدەسۋى ءوتتى. تاراپتار كومىرسۋتەكتەرگە باعانىڭ ودان ءارى تومەندەۋىنە جول بەرمەۋ ءۇشىن مۇناي ءوندىرۋدى شەكتەۋ تۋرالى كەلىسىمگە قول قويادى، دەپ كۇتىلگەن ەدى. الايدا مامىلە جاسالمادى - ساۋد ارابياسى يراننىڭ قاتىسۋىنسىز قانداي دا ءبىر قۇجاتقا قول قويۋدان باس تارتتى. ال يسلام رەسپۋبليكاسىنىڭ وكىلدەرى دوحاعا كەلگەن جوق.

سوڭعى جاڭالىقتار