اتىراۋ وبلىسىنا جىل باسىنان بەرى شەتەلدەن 36 قانداس كوشىپ كەلدى
وبلىستىق جۇمىسپەن قامتۋ جانە الەۋمەتتىك باعدارلامالار باسقارماسىنىڭ باسپا ءسوز قىزمەتىنەن ءمالىم ەتكەندەي، تاريحي وتانىنا قونىس اۋدارعان ءبىرقاتار ەتنيكالىق قازاقتار قانداس مارتەبەسىن العان.
قازاقستان رەسپۋبليكاسىندا تۇراقتى تۇرۋعا كەلگەن قانداستاردىڭ اراسىندا وزبەكستان رەسپۋبليكاسىنان - 27، تۇركىمەنستان رەسپۋبليكاسىنان – 2، قىتاي حالىق رەسپۋبليكاسىنان بىرەۋ جانە رەسەي فەدەراتسياسىنان - 2 وتباسى بار. ولار اتىراۋ قالاسى مەن جىلىوي اۋدانىنا قونىستاندى.
«سونداي-اق، قازاقستان رەسپۋبليكاسىنىڭ ازاماتتىعىن جەڭىلدەتىلگەن تارتىپپەن قابىلداۋ ءۇشىن 6 ادامعا بۇرىن بەرىلگەن ورالمان مارتەبەسىن 6 ايدان اسپايتىن مەرزىمگە ءبىر مارتە ۇزارتۋ جونىندە شەشىم قابىلداندى»، - دەپ حابارلادى باسقارمانىڭ باسپا ءسوز قىزمەتى.
ەسكە سالا كەتەلىك، بۇعان دەيىن اتىراۋعا 20 جىل بۇرىن كوشىپ كەلگەن قانداس ازاماتتىق العانىن جازعان ەدىك.
