كوكشەتاۋدا پەرزەنتحانادان قاشىپ كەتكەن 36 جاستاعى ايەل وزىنە قول جۇمسادى

ۆەدومستۆونىڭ مالىمەتىنشە، 27 - تامىزدا كوكشەتاۋ قالالىق پ ب كەزەكشى بولىمىنە پەريناتالدىق ورتالىقتىڭ پەرزەنتحانا بولىمشەسىنىڭ دارىگەرى حابارلاسىپ، جاڭا بوسانعان 36 جاستاعى ايەل - كوكشەتاۋ قالاسىنىڭ تۇرعىنى ءسابيىن تاستاپ، پالاتادان شىعىپ كەتىپ قالعانىن حابارلاعان.

«ايتىلعان جەرگە جەدەل- تەرگەۋ توبى جەتىپ، ىزدەستىرۋ شارالارىن قولعا الدى. انىقتالعانداي، بوسانعاننان كەيىن ايەلدىڭ كوڭىل- كۇيى جايسىز بولعان» دەيدى ۆەدومستۆودان.

پ د باسپا ءسوز قىزمەتىندەگىلەر اتاپ وتكەندەي، تامىزدىڭ 27-دە ساعات 19:00 شاماسىندا ايەل جۇقپالى اۋرۋلار اۋرحاناسىنىڭ ماڭىنداعى اعاشتا اسۋلى كۇيىندە تابىلدى. «قازىرگى كەزدە قىلمىستىق كودەكستىڭ 105-بابى 1-بولىگى «ءوزىن- ءوزى ولتىرۋگە يتەرمەلەۋ» بويىنشا ءىس قوزعالىپ، سوتقا دەيىنگى تەرگەۋ امالدارى جۇرگىزىلۋدە. سوت- مەديتسينالىق ساراپتاما تاعايىندالدى» دەپ تولىقتىردى ۆەدومستۆودان.

ايتا كەتەيىك، كوز جۇمعان ايەلدىڭ ارتىندا ءتورت بالاسى (ءۇش ۇل جانە ءبىر قىز) قالدى. ەڭ كىشىسى بيىل 12 - تامىزدا دۇنيەگە كەلگەن.

اۆتور: اسلان وسپانوۆ