قازاقستاندىق «تەمىر انالار» لا- مانش بۇعازىندا 36 شاقىرىم ءجۇزىپ ءوتتى
بۇل ديستانتسيانى «الەمدەگى ەڭ سۇمدىق» ديستانتسيا دەپ اتايدى. سپورتشىلار لوندونداعى ءمارمار قاقپاسىنان باستالىپ، پاريجدەگى تريۋمف اركاسىندا اياقتالاتىن 480 كيلومەترگە جۋىق ديستانتسيانى ەڭسەرەدى. ەتاپقا قاتىسۋشىلار لوندوننان دۋۆرعا دەيىنگى 140 شاقىرىمدى جۇگىرىپ ءوتىپ، سوسىن لا- مانش بۇعازىن 36 شاقىرىم قاشىقتىقتى ءجۇزىپ ءوتىپ، ءارى قاراي پاريجگە ۆەلوسيپەدپەن 290 شاقىرىمدى ارتتا قالدىرادى. ءدال سول لا- مانشتا (اعىلشىن كانالى) سوڭعى ءۇش جىلدا ەكى سپورتشى قايتىس بولعانى بەلگىلى. 2014 -جىلى ديستانتسيانى 80 ساعات 50 مينۋتتا كەسىپ وتكەن 45 جاستاعى بريتاندىق نيك توماس 2016 -جىلدىڭ جازىندا ءوز جەتىستىگىن قايتالاماق بولادى.
الايدا مارەگە جاقىن قالعاندا ەسىنەن تانىپ، اۋرۋحانادا قايتىس بولدى. ءبىر جىلدان سوڭ وقيعا قايتالانىپ، 44 جاستاعى اعىلشىن ترياتلونشىسى دۋگلاس ۋەيمارك قايتىس بولدى. ArchtoArc-تى تاريحتا ءبىرىنشى رەت بريتاندىق ەدگار ەتتە 81 ساعات 5 مينۋتتا اياقتاعان بولاتىن. قازىر ەدگار - EnduromanArchtoArc ديرەكتورى جانە ۇيىمداستىرۋشىسى. «ArchtoArc» - كە تىركەلۋ ءۇشىن سپورتشىلار جۇگىرۋدەن، جۇزۋدەن جانە ۆەلوسيپەد تەبۋدەن تاجىريبەسى بولۋ كەرەك. سونىمەن قاتار، ونى قۇجاتپەن دالەلدەۋى كەرەك. سونداي- اق، ولار 16°c- تەن تومەن تەمپەراتۋرادا جۇزۋدەن التى ساعاتتىق تەست تاپسىرۋلارى قاجەت.
«مۇنداي شەكتەۋلەرگە قاراماستان، EnduromanArchtoArc ترياتلونىنا دەگەن سۇرانىس جوعارى جانە قاتىسۋشىلار كەيدە ءوز كەزەكتەرىن ءبىر نەمەسە ەكى جىل كۇتەدى. جارىس ەرەجەسى وتە قاتاڭ - رەفەري ترياتلونشىلاردى جول بويى باقىلايدى» ، - دەدى ەلەنا كۋن الماتى ترياتلون فەدەراتسياسىنىڭ باسپا ءسوز حاتشىسىنا تەلەفون ارقىلى حابارلاسىپ.
ترياتلوننىڭ باستالۋى لا- مانش بۇعازىنداعى اۋا- رايىنا بايلانىستى بولعاندىقتان سپورتشىلار سوڭعى ۋاقىتقا دەيىن ستارتتىڭ قاشان باستالاتىنىن بىلگەن جوق. ترياتلون ۇيىمداستىرۋشىلارى مارشرۋت باستالعانعا 20 ساعات قالعاندا حابارلادى. 2 -شىلدەدە «تەمىر انالار» - ەلفيرا دۋدنيك، ەلەنا كۋن، مادينا قۇرمانبايەۆا مەن انەل سىتدىقوۆا دۋۆرگە امان ەسەن جەتتى. «ءبىز جۇگىرۋدى اياقتادىق! ەندى بىزگە كۇش- جىگەر مەن سابىر كەرەك. EnglishChannel, بىزگە ادەتتەگىدەن ءسال جۇمساعىراق بول!» - دەدى قازاقستاندىق سپورتشىلار.
3 - شىلدەدە قازاقستاندىق ترياتلونشىلار لا- مانشتى ءجۇزىپ ءوتتى. «بۇل مەنىڭ ومىرىمدەگى ەڭ ۇمىتىلماس ءتۇن بولدى! We did it!» ، - دەدى ەلەنا كۋن. قازىر قىزدار EnduromanArchtoArc سوڭعى كەزەڭىنە - فرانسياداعى ۆەلوەتاپقا كەلدى. «ءبىزدى ەۆروپادا تۇرىپ جاتقان وتانداستارىمىزبەن قاتار، جۇزدەگەن فرانسۋزدار مەن اعىلشىنداردىڭ قولداپ جاتقانىنا قۋانىشتىمىز. بۇل قازىر ترياتلوننىڭ الەمدەگى ەڭ تانىمال سپورت تۇرلەرىنە جاتاتىن كورسەتەدى!» - دەدى ەلەنا كۋن.