13:52, 10 - مامىر 2018 | GMT +5
پارامەن ۇستالعان اۋەزوۆ تەاترىنىڭ بۇرىنعى ديرەكتورى ەرلان ءبىلال 36 ميلليون تەڭگە تولەدى
الماتى. قازاقپارات - پارا الىپ جاتقان جەرىنەن ۇستالعان م. اۋەزوۆ اتىنداعى مەملەكەتتىك اكادەميالىق دراما تەاترىنىڭ بۇرىنعى ديرەكتورى ەرلان ءبىلال مەملەكەتكە 36 ميلليون تەڭگە تولەدى.

بۇل تۋرالى قالالىق سوتتىڭ باسپا ءسوز قىزمەتى حابارلادى.
«ەرلان ءبىلال سوت ۇكىمىمەن بەلگىلەنگەن 52,5 ميلليون تەڭگە ايىپپۇلدىڭ 36 ميلليون تەڭگەسىن مەملەكەت قازىناسىنا قايتاردى. ونىڭ ادۆوكاتى قالالىق سوت باسشىسىنىڭ اتىنا قالعان 16,5 ميلليون تەڭگەنى تولەۋگە ۋاقىت بەرۋدى سۇراپ ءوتىنىش جىبەرگەن»، - دەدى قالالىق سوتتىڭ باسپا ءسوز قىزمەتىنەن.
ايتا كەتۋ كەرەك، تەاتر باسشىسى ەرلان ءبىلال بيىل 4-قاڭتاردا پارا الىپ جاتقان جەرىنەن ۇستالعان بولاتىن.
سۋديا قۋانىش ءارىپوۆ تەاتر ديرەكتورىن ايىپتى دەپ تاۋىپ، پارا كولەمىنەن 35 ەسە جوعارى كولەمدە ايىپپۇل سالعان بولاتىن.
ەرلان ءبىلال 1 اي ىشىندە مەملەكەتكە 1,5 ميلليون تەڭگەنى 52,2 ميلليون تەڭگە ەتىپ قايتارۋى ءتيىس ەدى.