ءۇيىندى استىندا قالعان قىتايلىق كەنشىلەر 36 كۇننەن سوڭ قۇتقارىلدى

استانا. قازاقپارات - اپاتتان سوڭ 36 كۇن ءۇيىندى استىندا قالعان ەكى قىتايلىق كەنشى قۇتقارىلدى، دەپ حابارلايدى قىتايلىق ب ا ق- تار.

بۇلاردان باسقا تاعى ەكى كەنشى جەر استىندا قالىپ وتىر.

قىتايلىق تەلەارنادان ەر ادامداردىڭ قالاي جوعارىعا شىققانى، ارتىنشا ولاردى اۋرۋحاناعا الىپ كەتكەنى كورسەتىلدى.

ەسكە سالا كەتسەك، شاندۋن پروۆينتسياسىنداعى شاحتا 25- جەلتوقساندا وپىرىلىپ قۇلاعان ەدى. اپات بولعان كەزدە جەر استىندا 29 ادام جۇمىس ىستەپ جاتقان.

ەكى كۇننەن سوڭ شاحتانىڭ يەسى، Yurong كومپانياسىنىڭ باسشىسى كەنىش وقپانىنان سەكىرىپ، اجال قۇشتى.

ءبىر اي بۇرىن قۇتقارۋشىلار اپاتتان سوڭ ءۇيىندى استىندا قالعان بىرنەشە كەنشىنى انىقتاپ، ولاردىڭ كوپشىلىگىن جوعارىعا شىعارعان بولاتىن، دەپ حابارلايدى BBC.