15:22, 17 - تامىز 2015 | GMT +5
الماتىدا بالا تاربيەسىنە سالعىرت قاراعان 36 اتا-انا جاۋاپكەرشىلىككە تارتىلدى
الماتى. قازاقپارات - الماتىدا «جازعى دەمالىس» جەدەل- پروفيلاكتيكالىق شاراسى بارىسىندا 36 اتا- انا اكىمشىلىك جاۋاپكەرشىلىككە تارتىلدى.

بۇل تۋرالى قالالىق ءى ءى د باسپا ءسوز قىزمەتى حابارلادى.
پوليتسيا قىزمەتكەرلەرىنىڭ ايتۋىنشا، ولار بالالارىنىڭ تاربيەسى مەن وقۋعا دايىندىعىنا سالعىرت قاراعان.
ءۇش كۇن ىشىندە ءى ءى د قىزمەتكەرلەرى ءتۇرلى زاڭبۇزۋشىلىقتارعا جول بەرگەن 466 جاس ءوسپىرىمدى، قاڭعىرىپ جۇرگەن 83 بالانى ۋچاسكەگە جەتكىزىپ، 73 جاس ءوسپىرىمدى بەيىمدەۋ ورتالىعىنا ورنالاستىرعان.
«اپتالىق بارىسىندا قۇقىق بۇزۋشى 34 جاس ءوسپىرىم ىشكى ىستەر ورگاندارىنا ەسەپكە الىنىپ، بالا تاربيەسى مەن ساباعىنا سالعىرت قاراعان 36 اتا-انا اكىمشىلىككە جاۋاپكەرشىلىككە تارتىلدى»، - دەدى قالالىق ءى ءى د ءبولىم باسشىسى لەيلا الىپبايەۆا.
اۆتور: گۇلميرا عوسمانالي