جاڭاقورعان اۋدانىندا 36 پاتەردى توناعان ۇرى ۇستالدى
بۇل تۋرالى وبلىستىق ىشكى ىستەر دەپارتامەنتىنىڭ باسپا ءسوز قىزمەتى حابارلادى.
كۇدىكتى جاڭاقورعان كەنتىندە ورنالاسقان ءوز ۇيىندە ۇستالدى. اۋداندىق ىشكى ىستەر ءبولىمىنىڭ قىزمەتكەرلەرى ۇرىنى اياق كيىمى ىزدەرى ارقىلى تاپقان.
دالىرەك ايتقاندا، ءتارتىپ ساقشىلارىنا كەنت تۇرعىنى ءۇيىن بەلگىسىز بىرەۋدىڭ توناپ كەتكەنى جايىندا حابار بەرگەن. وقيعا ورنىنا كەلگەن پوليتسەيلەر اينالانى بارلاۋ ارقىلى ۇرىنىڭ اياق كيىم ىزدەرىن انىقتاپ، ناتيجەسىندە، 1981 -جىلى تۋعان كۇدىكتى ءوز ۇيىندە قولعا ءتۇستى. سونداي-اق، پوليتسەيلەر قىلمىسقا قاتىستى ايعاق زاتتار مەن كۇدىكتىنىڭ ۇرلىق جاساۋعا كيەتىن كيىمدەرىن انىقتادى.
قىزىلوردا وبلىستىق ىشكى ىستەر دەپارتامەنتى مەملەكەتتىك ءتىل جانە اقپارات ءبولىمىنىڭ باسشىسى گۇلجاحان قايىربەرگەنوۆا: «قازىرگى تاڭدا كۇدىكتى ازامات قاماۋعا الىنىپ، وعان قاتىستى قىلمىستىق كودەكستىڭ 188-بابى، 3-تارماعى بويىنشا قىلمىستىق ءىس قوزعالدى. سوعان سايكەس، سوتقا دەيىنگى تەرگەۋ-تەكسەرۋ امالدارى جۇرگىزىلۋدە»، - دەدى.
ايتا كەتەيىك، كۇدىكتى سوڭعى جاساعان توناۋ ارەكەتىندە جابىرلەنۋشىگە 1 ميلليون تەڭگە شىعىن كەلتىرگەن. ال قۇقىق قورعاۋشىلار ۇرىنىڭ 36 پاتەردى توناۋ ىسىنە قاتىسى بار جانە بارلىق جابىرلەنۋشىلەرگە 12 ميلليون تەڭگە شىعىن كەلتىردى دەگەندى ايتۋدا.
«ەگەمەن قازاقستان»
