شاڭحايدا 36 ادامنىڭ قازاسىنان كەيىن جاڭا جىلدىق شارالار توقتاتىلدى
بۇدان بۇرىن قازا بولعاندار 35, جارالانعاندار سانى 48 دەپ حابارلانعان بولاتىن. جەرگىلىكتى بيلىككە سىلتەمە جاساعان South China Morning Post باسىلىمىنىڭ دەرەكتەرىنە سۇيەنسەك، زارداپ شەككەندەردىڭ ىشىندە 13 ادامنىڭ جاعدايى اۋىر.
باسىلىم دەرەكتەرىندە جاڭا جىلدى تويلاماۋ تۋرالى شەشىم ق ح ر ءتوراعاسى شي جينپيڭنىڭ شاڭحاي بيلىگىنە زارداپ شەككەندەرگە قولدان كەلگەن كومەكتىڭ بارلىعىن جاساۋ، بولعان وقيعانى تىڭعىلىقتى تەكسەرۋ قاجەتتىگى جايلى تاپسىرما بەرگەننەن كەيىن قابىلداندى.
وقيعا سارسەنبىدە جەرگىلىكتى ۋاقىت شامامەن ساعات 23.35 مينۋتتا ايتۋلى مەرەكەلەردە حالىق كوپ جينالاتىن ۆايتان جاعالاۋىندا ورىن الدى.
بولعان جاعدايدان كەيىن پوليتسەيلەر جارالانعانداردى قاۋىپسىز جەرگە شىعارىپ، جەدەل جاردەم كولىگىنە جەتكىزۋ ءۇشىن ءبىر ءبىرىنىڭ قولدارىنان ۇستاپ، توبىر تەگۋرىنىن توقتاتۋعا تىرىسقان. جەرگىلىكتى ب ا ق قازا تاپقاندار مەن زارداپ شەككەندەردىڭ كوپشىلىگى 20 جاس شاماسىنداعى جاستار، ونىڭ ىشىندە كوللەدج ستۋدەنتتەرى ەكەنىن ايتادى.
قايعىلى وقيعا سەبەپتەرى ازىرگە انىقتالعان جوق، كۋاگەرلەرگە سىلتەمە جاساعان ءبىرقاتار ب ا ق اقپاراتىنا سۇيەنسەك، وقيعا جاقىن جەردەگى 18-قاباتتى عيماراتتىڭ شاتىرىنان دوللار كوشىرمەلەرىن لاقتىرعان ساتتە باستالعان. پوليتسيا وقيعاعا سەبەپ بولۋى مۇمكىن اتالعان نۇسقانى تەكسەرىپ جاتىر.
