قىتايداعى ءزىلزالادان قايتىس بولعاندار سانى 367 گە جەتتى

استانا. قازاقپارات - سوڭعى اقپارات بويىنشا، قىتايدىڭ يۋننان پروۆينتسياسى، چجاوتۋن قالاسى ماڭىنداعى جەر سىلكىنىسىنەن قايتىس بولعاندار سانى 367 ادامعا جەتتى. بۇل تۋرالى شينحۋا اگەنتتىگى حابارلادى.

ايتا كەتەيىك، قىتايدىڭ يۋننان پروۆينتسياسى، چجاوتۋن قالاسى، لۋديان ايماعىنا جەرگىلىكتى ۋاقىتپەن ساعات 30: 16 شاماسىندا 6,5 باللدىق جەر سىلكىنىسى بولدى. ءزىلزالا سالدارىنان 12 مىڭعا جۋىق تۇرعىن ءۇي جانە 30 مىڭنان استام عيمارات قيراعان.

بۇعان دەيىن 221 ادام قايتىس بولىپ، 1300گە جۋىعى جارالانعانى جانە 180 ادام جوعالىپ كەتكەنى تۋرالى حابارلاعان بولاتىنبىز.