تۇركىستان وبلىسىندا «باستاۋ بيزنەس» جوباسى بويىنشا 3650 تۇرعىن وقىتىلادى

26 -ساۋىردە باستالاتىن كۋرس «Atameken Academy» ونلاين- پلاتفورماسى ارقىلى قاشىقتىقتان وقىتىلماق. جوبادا وقۋ ءۇشىن قاتىسۋشىلار جەكە باسىن كۋالاندىراتىن قۇجاتتىڭ كوشىرمەسىن قوسا بەرە وتىرىپ، حالىقتى جۇمىسپەن قامتۋ ورتالىقتارىنا وقۋعا وتىنىممەن جۇگىنۋى قاجەت. ورتالىق ۇمىتكەر مارتەبەسى راستالعان كەزدە جولداما بەرەدى. وبلىستىق كاسىپكەرلەر پالاتاسىنىڭ ديرەكتورى تيمۋر ناقىپبەكوۆتىڭ ايتۋىنشا، وقىتۋ كۋرسى بىرنەشە كەزەڭنەن تۇرادى. قاتىسۋشىلارعا توپتاردا پراكتيكالىق وقىتۋ مەن بيزنەس- جوبانى تانىستىرۋعا دايىندىق جۇرگىزىلەدى.

وقۋعا جۇمىسسىزدار، ەڭبەككە جارامدى مۇگەدەكتەر، جاستار، از قامتىلعان جانە كوپبالالى وتباسىلاردىڭ مۇشەلەرى، زەينەت جاسىنا جەتپەگەن اۋىلشارۋاشىلىق كووپەراتيۆتەرىنىڭ مۇشەلەرى، شارۋا مەن فەرمەرلىك قوجالىقتار، قونىس اۋدارعاندار جانە قانداستار قاتىسا الادى.

ايتا كەتۋ كەرەك، مەملەكەتتىك قىزمەتكەرلەر كاسىپكەرلىك قىزمەتپەن اينالىسا المايدى. سونىمەن قاتار، بالا كۇتىمىمەن دەمالىستا جۇرگەن انالار مەن ورتا ارنايى وقۋ ورىندارى مەن ج و و ستۋدەنتتەرى دە ارنايى كۋرستارعا قاتىستىرىلمايدى.