قىتايدان قازاقستانعا تاعى 363 ادام قايتۋعا نيەت ءبىلدىرىپ وتىر - جانداربەك بەكشين
«الەمدە كوروناۆيرۋس بويىنشا ەپيدەميولوگيالىق جاعدايدىڭ ناشارلاۋىنا بايلانىستى، بىرىنشىدەن، مەملەكەت باسشىسىنىڭ تاپسىرماسى بويىنشا ۇكىمەت باسشىسىنىڭ ورىنباسارى بەردىبەك ساپاربايەۆتىڭ توراعالىمەن كوروناۆيرۋستىق ينفەكسيانىڭ پايدا بولۋى مەن تارالۋىنا جول بەرمەۋ ءۇشىن ءىس- شارالاردى ۇيلەستىرۋ جونىندەگى كوميسسيا قۇرىلدى. ونىڭ قۇرامىنا بارلىق مۇددەلى مەملەكەتتىك ورگانداردىڭ، وبلىستار مەن نۇر- سۇلتان، الماتى، شىمكەنت قالالارىنىڭ اكىمدىكتەرى كىرەدى. ەكىنشىدەن، ق ر اۋماعىندا كوروناۆيرۋستىق ينفەكسيانىڭ تارالۋىنا جول بەرمەۋ بويىنشا ءىس- شارالار جوسپارى ىسكە اسىرىلۋدا» ، - دەدى جانداربەك بەكشين و ك ق- دا وتكەن باسپا ءسوز ءماسليحاتىندا.
سونىمەن قاتار، ق ح ر ارقىلى وتەتىن بارلىق پۋنكتتە سانيتاريالىق- ەپيدەميولوگيالىق باقىلاۋ كۇشەيتىلگەن. تەپلوۆيزورلار ورناتىلىپ، باقىلاۋ مونيتورينگى جۇرگىزىلۋدە.
«مەديتسينالىق ۇيىمداردىڭ دايىندىعى قامتاماسىز ەتىلدى. 10200 توسەك، ونىڭ ىشىندە 4400 قوسىمشا توسەك ورىندار دايىندالىپ، ماسكالاردىڭ، مەديتسينالىق بۇيىمداردىڭ باعاسى، ولاردىڭ قورلارى باقىلاۋعا الىندى. قورعاس ساۋدا ورتالىعىنىڭ جۇمىسى توقتاتىلدى. 6 - اقپاندا ۋحان قالاسىنان ساناۆياتسيامەن 83 قازاقستاندىق، سونداي- اق قىرعىزستاننىڭ 18 ازاماتى، بەلارۋس رەسپۋبليكاسىنىڭ 5, ارمەنيانىڭ 1 ازاماتى ەۆاكۋتسيادان ءوتتى. ولار كەيىن ارنايى مەديتسينالىق مەكەمەگە كارانتينگە جاتقىزىلدى» ، - دەدى ول.
جانداربەك بەكشيننىڭ سوزىنە سەنسەك، قازاقستاندا كوروناۆيرۋستى جەدەل دياگنوستيكالاۋعا مۇمكىندىك بەرەتىن دياگنوستيكالىق جۇيە ازىرلەنگەن.
«بۇدان باسقا ر ف- مەن ق ح ر- دان دياگنوستيكالىق تەستتەر الىندى. وسىلايشا كوروناۆيرۋستىڭ ينفەكتسياعا كۇدىكتى بارلىق پاتسيەنت، سونداي- اق ۋحان قالاسىنان ارنايى بورتپەن كەلگەن ادامدارعا زەرتحانالىق دياگنوستيكا جۇرگىزىلدى. بارلىعى 313 ادام تەكسەرىلدى. ناتيجەسىندە كوروناۆيرۋس تابىلعان جوق. ر ف مەن ءو ر دەنساۋلىق ساقتاۋ مينيسترلىكتەرىمەن بىرلەسىپ، ۋحان قالاسىنان ەۆاكۋتسيالانعان ازاماتتارىمىزدىڭ دەنساۋلىعىنا مونيتورينگ جۇرگىزىلۋدە» ، - دەدى ول.
ونىڭ ايتۋىنشا، تۇمەن وبلىسىندا ءۇش قازاقستاندىق، تاشكەنتتە بەس ادام جاتىر. بارلىق قازاقستاندىقتىڭ جاعدايى قاناعاتتانارلىق.
«سونىمەن قاتار، بەيجىڭ قالاسىنان قازاقستان ازاماتتارىن شىعارۋ ماسەلەسى قاراستىرىلۋدا. بۇگىنگى تاڭدا 363 ادام قايتىپ كەلۋگە نيەت ءبىلدىرىپ وتىر. بۇگىن تاڭعى ساعات 05.00 دە نۇر- سۇلتان قالاسىنا قىتايدان قازاقستاننىڭ 217 ازاماتى بار رەيس كەلدى. ولاردىڭ ءبارى دە ءۇش كۇندەي مەديتسينالىق جانە زەرتحانالىق تەكسەرۋ ءۇشىن ستاتسيونارعا جەتكىزىلدى» ، - دەدى ول.
ەسكە سالا كەتسەك، قىتاي استاناسى بەيجىڭنەن بۇگىن قازاقستاننىڭ 217 ازاماتى ەۆاكۋاتسيالانعان بولاتىن.
سونداي- اق، قازىرگى ۋاقىتتا قازاقستاندا كوروناۆيرۋستىق ينفەكتسيانىڭ تارالۋىنا جول بەرمەۋ بويىنشا بارلىق قاجەتتى شارالار قابىلدانىپ جاتىر. قر پرەمەر- ءمينيسترى اسقار مامين بۇگىنگى ۇكىمەت وتىرىسىندا وسىلاي دەي كەلە قازاقستاندا كوروناۆيرۋسقا شالدىققانداردىڭ جوقتىعىن ءمالىم ەتكەن بولاتىن.
