الماتى وبلىسىندا قۇنى 360 ميلليون تەڭگە تۇراتىن كيىك ءمۇيىزى تاركىلەندى
الماتى وبلىسى پوليتسيا دەپارتامەنتىنىڭ ۇيىمداسقان قىلمىسپەن كۇرەس باسقارماسىنىڭ قىزمەتكەرلەرى 25- شىلدە كۇنى جەدەل- ىزدەستىرۋ شارالارىن جۇزەگە اسىرۋ بارىسىندا كيىك ءمۇيىزىن زاڭسىز الىپ بارا جاتقان ءبىر توپ ادامدى ۇستادى.
«جەدەل ىزدەستىرۋ جۇمىستارى بارىسىندا «الماتى- بىشكەك» رەسپۋبليكالىق تراسساسىنىڭ بارىسىندا سولتۇستىككە قاراي كەتىپ بارا جاتقان كولىك توقتاتىلدى. كولىكتىڭ سالونىنان 2048 دانا كيىك ءمۇيىزى سالىنعان 13 قاپ تابىلدى. اۋماقتىق ورمان شارۋاشىلىعى وكىلدەرىنىڭ الدىن الا ەسەبى بويىنشا مەملەكەتكە كەلگەن شىعىن 360 ميلليون تەڭگەنى قۇراپ وتىر. ۇستالعان كۇدىكتىلەرگە قاتىستى ق ر ق ك 339 بابى بويىنشا قىلمىستىق ءىس قوزعالدى. كۇدىكتىلەر ۋاقىتشا ۇستاۋ يزولياتورىنا قامالدى. تەرگەۋ ءجۇرىپ جاتىر»، - دەدى الماتى وبلىستىق پوليتسيا دەپارتامەنتى باستىعىنىڭ ورىنباسارى ەلدار ابدىكەنوۆ.
سونداي- اق وسى ۋاقىتتا مۇيىزدەردىڭ قايدان الىنعان انىقتالىپ جاتىر.