14:45, 17 - شىلدە 2022 | GMT +5
يسپانيادا ىستىق سالدارىنان 360 ادام كوز جۇمدى
نۇر-سۇلتان.قازاقپارات - ءبىر اپتاعا ۇلاسقان اپتاپ ىستىق سالدارىنان يسپانيادا 360 ادام كوز جۇمدى. مۇنداي مالىمەتتى كارلوس ءۇشىنشىنىڭ دەنساۋلىق ينستيتۋتى جاريالادى.
قازىر يسپانيادا سىناپ باعاناسى 46 گرادۋسقا دەيىن جەتكەن. شىجىعان ىستىقتا ءورت سوندىرۋشىلەر ورمانداعى قىزىل جالىنمەن كۇرەسىپ الەك. ال- حاۋرين ەل گراندە اۋماعىنداعى الاپات ءورت جەرگىلىكتى حالىققا قاتەر ءتوندىرىپ، مىڭداعان ادام ەۆاكۋاتسيالاندى. مالاگا ايماعىنداعى ورماندى دا قىزىل جالىن شارپىعان. پورتۋگاليامەن شەكتەسەتىن ەسترە- مادۋرا ءوڭىرى دە وتقا وراندى. مۇنداعى ءتىلسىز جاۋمەن كۇرەسكە يسپانيا اسكەرى تارتىلدى.
www.24.kz
