تۇركياعا 36 مەملەكەت 4 مىڭنان استام قۇتقارۋشى جىبەردى
«قازىرگى تاڭدا جەر سىلكىنىسىنىڭ زارداپتارىن جويۋ جانە ىزدەستىرۋ جۇمىستارىنا 100 مىڭعا جۋىق ادام جۇمىلدىرىلعان. ونىڭ ىشىندە توتەنشە جاعداي وكىلدەرىنىڭ، پوليتسيا مەن قورعانىس سالاسىنىڭ، ۇكىمەتتىك ۇيىمداردىڭ وكىلدەرى، سونداي- اق، ەرىكتىلەر بار.
ونىمەن بىرگە شەتەلدەردەن كومەك كەلىپ جاتىر. الەمنىڭ 34 ەلى 4 مىڭنان استام قۇتقارۋشىنى ىزدەستىرۋ- قۇتقارۋ جۇمىستارىنا كومەكتەسۋ ءۇشىن جىبەردى»، - دەدى ۋفۋك ەكيدجي استاناداعى ەلشىلىكتە وتكەن بريفينگىدە.
بۇگىن پرەزيدەنت قاسىم- جومارت توقايەۆ تۇركيا رەسپۋبليكاسىنىڭ قازاقستانداعى ەلشىلىگىنە كەلىپ، باۋىرلاس ەلدىڭ وڭتۇستىك- شىعىسىندا بولعان الاپات ءزىلزالا سالدارىنان مىڭداعان ادامنىڭ قازا تابۋىنا بايلانىستى كوڭىل ايتتى.
انادولۋ اگەنتتىگىنىڭ مالىمەتىنشە، تۇركياداعى ەكى جويقىن جەر سىلكىنىسىنەن قازا تاپقاندار سانى 6234 كە جەتىپ، 37011 ادام جاراقات العان.
سوڭعى مالىمەتتەر بويىنشا، تۇركيادا ءۇش قازاقستاندىق ىزدەستىرىلىپ جاتىر.
