تۇركيادا جەر سىلكىنىسى قۇرباندارىنىڭ سانى 36,1 مىڭنان استى
بۇل تۋرالى ت ج سالدارىن جويۋ باسقارماسىنان (AFAD) ءمالىم ەتتى، دەپ حابارلايدى قازاقپارات انادولى اگەنتتىگىنە سىلتەمە جاساپ.
AFAD مالىمەتىنشە، كاحرامانماراشتاعى ەكى ءزىلزالادان كەيىن 4323 افتەرشوك تىركەلگەن.
تۇركيا پروۆينتسيالارىندا 108068 ادام زارداپ شەگىپ، 216347 ادام ەۆاكۋاتسيالاندى.
ىزدەۋ-قۇتقارۋ جۇمىستارىنا تۇركيادان 29944 قۇتقارۋشى جانە باسقا ەلدەردەن 11488 ادام تارتىلدى.
AFAD، پوليتسيا، جاندارمەريا، ۇلتتىق قورعانىس مينيسترلىگى، ۇلتتىق مەديتسينالىق قۇتقارۋ كومانداسى (UMKE)، جەدەل جاردەم بريگادالارى، ەرىكتىلەر، جەرگىلىكتى قاۋىپسىزدىك كۇشتەرى مەن قولداۋشى توپتاردى ەسكەرە وتىرىپ، اپات سالدارىن جويۋعا تارتىلعان قىزمەتكەرلەر سانى 253016 ادامعا جەتتى.
اپات بولعان اۋدانعا 12 مىڭ 513 ارنايى تەحنيكا جەتكىزىلدى، سونىڭ ىشىندە ەۆاكۋاتورلار، كراندار، بۋلدوزەرلەر، جۇك كولىكتەرى، سۋ تاسيتىن كولىكتەر، تىركەمەلەر جانە تاعى باسقالار بار.
دۇيسەنبى، 6- اقپاندا كاحرامانماراشتا ماگنيتۋداسى جەتى بالدان اساتىن ەكى جەر سىلكىنىسى (جەرگىلىكتى ۋاقىتپەن 04.17 دە 7,7 بال جانە 13.24 تە 7,6 بال) تىركەلدى.
تۇركيا پرەزيدەنتى رەجەپ تايىپ ەردوعان ەلدىڭ وڭتۇستىك-شىعىسىندا بولعان جويقىن جەر سىلكىنىسىنە بايلانىستى جەتى كۇندىك ۇلتتىق ازا تۇتۋ جاريالادى.
جويقىن ءزىلزالا كورشى ەلدەردە، سونىڭ ىشىندە سيريا، ليۆان، كيپر مەن يراكتا سەزىلگەن.
