پاكىستانداعى تەراكت كەزىندە 35 ادام قازا تاپتى

يسلاماباد. انادولى. قازاقپارات - پاكىستاننىڭ حايبەر- پاحتۋنحۆا پروۆينتسياسىنداعى تەراكت كەزىندە 35 ادام قازا تاپتى، دەپ حابارلايدى قازاقپارات انادولى اگەنتتىگىنە سىلتەمە جاساپ.
None
Фото: www.aa.com.tr

جەرگىلىكتى ب ا ق-تىڭ حابارلاۋىنشا، جارىلىس ەلدىڭ كواليتسيالىق ۇكىمەتى سەرىكتەستەرىنىڭ ءبىرى ۋلەم يسلام قوعامىنىڭ (JUI- F) كونگرەسى وتكىزىلگەن عيماراتتا بولعان.

شابۋىل ءۇشىن جاۋاپكەرشىلىكتى ءالى ەشكىم ءوز موينىنا العان جوق. جارىلىس سالدارىنان 35 ادام قازا تاۋىپ، 80 نەن استام ادام جارالاندى.

ۋلەم يسلام قوعامىنىڭ كونگرەسىنە 500 دەن استام دەلەگات قاتىسقان.

قاقتىعىستار مەن قاۋىپسىزدىكتى زەرتتەۋ ينستيتۋتىنىڭ ستاتيستيكاسىنا سايكەس، جىل باسىنان بەرى پاكىستانداعى تەراكت سانى 79 پايىزعا ءوستى.

ينستيتۋتتىڭ مالىمەتىنشە، جارتى جىل ىشىندە ەلدە 271 تەراكت بولىپ، 389 ادام قازا تاپقان.


سوڭعى جاڭالىقتار