ۇلىتاۋ وبلىسىن دامىتۋعا «قازاقمىس» 35 ميلليارد تەڭگە بولەدى
مەموراندۋمنىڭ نەگىزگى ماقساتى - جەزقازعان قالاسىنىڭ ينفراقۇرىلىمىن دامىتۋ جانە اباتتاندىرۋ بويىنشا تاراپتاردىڭ ءوزارا قولداۋى مەن بەلسەندى ىنتىماقتاستىعىن قامتاماسىز ەتۋ.
قول قويىلعان مەموراندۋمعا سايكەس «قازاق مىس حولدينگ» ج ش س قىزمەتى جەزقازعان، ساتبايەۆ قالالارى جانە ۇلىتاۋ اۋدانىندا جالپى سوماسى 35 ميلليارد تەڭگەگە 22 جوبانى ىسكە اسىرۋ جولىمەن الەۋمەتتىك تۇراقتىلىقتى كۇشەيتۋگە باعىتتالاتىن بولادى. مەموراندۋم اياسىندا جاقىن جىلدارى جەزقازعان قالاسىندا دەنە شىنىقتىرۋ- ساۋىقتىرۋ كەشەنى، مۋزىكالىق دراما تەاترى مەن بالاباقشا سىندى الەۋمەتتىك- مادەني تۇرمىستىق نىساندار سالىنادى.
ساتبايەۆ قالاسى حالقىنىڭ دەنساۋلىعىن قولداۋ ماقساتىندا كومپانيا مۇندا ەمحانا مەن جاراقات پۋنكتىن سالادى.
بۇدان باسقا، «قازاق مىس» مەملەكەتتىك تەحنيكالىق ۋنيۆەرسيتەتتىڭ اشىلۋىنا جانە ۇلىتاۋ اۋدانىندا مەملەكەتتىك رامىزدەر الاڭىنىڭ قۇرىلىسىنا قاتىسادى. كومپانيا ەسەبىنەن ەرەكشە قاجەتتىلىكتەرى بار بالالارعا ارنالعان ەكى عيمارات (كۇندىز قابىلداۋ ورتالىقتارى ءۇشىن) ساتىپ الىنادى.
سونداي- اق، شارۋاشىلىق سۋىنىڭ كوتەرگىش سورعى ستانتسياسىنا جوندەۋ جۇرگىزۋ جوسپارلانۋدا. «قازاق مىستىڭ» قولداۋىمەن جەزقازعانداعى كەڭگىر سۋ قويماسى جاعالاۋىن اباتتاندىرۋعا ارنالعان ەسكيزدىك جوبا ازىرلەنەدى، تاسبۇلاق، كۇمىسبۇلاق جانە اۋليەتاۋ تاۋلارىنىڭ بۇلاقتارىن اباتتاندىرۋعا ارنالعان ەسكيزدىك جوبا دايىندالىپ، اباتتاندىرىلادى.
سونىمەن قاتار، مەموراندۋمدا قازاقمىس قاتىساتىن باسقا دا جوبالار كورسەتىلگەن. وسىلايشا، كومپانيا جەزقازعان قالاسىندا 320 ورىندىق بالاباقشانىڭ قۇرىلىسىن اياقتايدى، ساتبايەۆ قالاسىندا ءبىرقاتار نىسانداردى قايتا قۇرۋ جانە اباتتاندىرۋ بويىنشا ەسكيزدىك جوبالار دايىندايدى.
تۇرعىن ءۇي سالاسىنداعى ماسەلەلەردىڭ الەۋمەتتىك ماڭىزدىلىعىن نازارعا الا وتىرىپ، كومپانيا جەزقازعان قالاسىنداعى ۇزاققا سوزىلعان قۇرىلىس نىساندارىن اياقتايدى.
وسى ءوزارا تۇسىنىستىك جانە ىنتىماقتاستىق تۋرالى مەموراندۋمعا قول قويۋ تاراپتارعا ءوزارا ءىس- قيمىلدى جاڭا ساپالىق كەزەڭگە شىعارۋعا مۇمكىندىك بەرەدى جانە ءوڭىر حالقىنىڭ ءال- اۋقاتىنىڭ دەڭگەيىن ارتتىرۋ نەگىزگى باسىمدىق بولادى.
