كيبەرقالقان مەمورگاندارعا جولدانعان 35 ميلليون زيانكەس حاتتىڭ جولىن كەسكەن
بۇل جايىندا «مەملەكەتتىك- تەحنيكالىق قىزمەت» ا ق ۇلتتىق اقپاراتتىق قاۋىپسىزدىكتى ۇيلەستىرۋ ورتالىعىنىڭ ديرەكتورى سەرىك حولداس ق ر ۇلتتىق قاۋىپسىزدىك كوميتەتىنىڭ 30 جىلدىعىنا ارنالعان دەرەكتى فيلمدە ايتتى.
«مەملەكەتتىك ورگانداردىڭ ەلكتروندى پوشتالارىنىڭ جانە جالپى ينتەرنەتكە قوسىلا الاتىن ءبىرىڭعاي شليۋزدەر جۇمىس ىستەيدى. بىلتىردىڭ وزىندە عانا اقپاراتتىق قاۋىپسىزدىكتىڭ 150 ميلليوننان استام قاتەرى بۇعاتتالدى. ونىڭ ىشىندە مەملەكەتتىك ورگانداردىڭ ەلەكتروندى مەكەنجايىنا جولدانعان 35 ميلليونعا جۋىق زيانكەس حات بولدى»، - دەدى ورتالىق ديرەكتورى. اتالعان فيلمدە سىرتقى بارلاۋ قىزمەتىنىڭ ديرەكتورى عابيت بايجانوۆ اۋعانستاندا بيلىك اۋىسقان كەزدە قازاقستان بارلاۋشىلارىنىڭ قالاي ارەكەت ەتكەنىن ايتتى.
«كەيىنگى بىرنەشە وپەراتسيا اۋعانستانداعى سوڭعى وزگەرىستەر كەزىندە ءوتتى. ول كەزدە تەك بارلاۋشىلار عانا جۇمىس ىستەدى. ولار بۇكىل ادامدى جيناپ، قاۋىپسىزدىگىن قامتاماسىز ەتتى. تاليباننىڭ جاڭا بيلىگىمەن كەلىسىمدەرگە كەلىپ، بايلانىستار ورناتتى. كەيىن وزگە ورگان قىزمەتكەرلەرىن رەسمي تۇردە ماراپاتتاپ جاتتى. ال ءبىزدىڭ ماماندار ەلەۋسىز، جابىق جارلىقپەن ماراپاتتالدى. ولاردىڭ بۇل ەڭبەگىن جالپاق جۇرت بىلمەگەنىمەن، قانداي جاۋاپتى ءىس اتقارعاندارىن وزدەرى بىلەدى عوي. بارلاۋشى ءۇشىن ەڭ ۇلكەن ماراپات - حالقىنىڭ، ەلىنىڭ اماندىعى»، - دەدى كوميتەت وكىلى.
اۆتور: ەسىمجان ناقتىباي
