اتىراۋدا 35 كەلى ۋىلدىرىق الىنعان الىپ قورتپا كاسپي تەڭىزىنە جىبەرىلدى

اتىراۋ. قازاقپارات - اتىراۋدا 35 كەلى ۋىلدىرىق الىنعان قورتپا كاسپي تەڭىزىنە جىبەرىلدى، دەپ حابارلايدى قازاقپارات.
None
None

بالىق شارۋاشىلىعى كوميتەتىنىڭ رەسمي وكىلى اسلان جەڭىس ۇلىنىڭ ايتۋىنشا، «امانگەلدى اتىنداعى» ج ش س بالىقشىلار اۋلاعان بەكىرە تۇقىمداس قورتپانى كاسپي تەڭىزىنە جىبەرۋگە شەشىم قابىلدانعان. قورتپانىڭ سالماعى - 197 كەلى، ۇزىندىعى - 2 مەتر 47 س م. «جايىق- اتىراۋ» بەكىرە شاباعىن ءوسىرۋ زاۋىتىنىڭ ماماندارى قورتپادان جاساندى جولمەن 35 كەلى ۋىلدىرىق العان.

«بۇل - 1,2 ميلليون دانا ۋىلدىرىق. زاۋىت ماماندارى ۋىلدىرىقتى ۇرىقتاندىرىپ، شاباق كەزەڭىنە دەيىن ينكۋباتسيالاۋعا ارنالعان اپپاراتتارعا ورنالاستىردى. ۋىلدىرىقتان جەتىلدىرىلەتىن شاباقتار الدىمەن باسسەيندەردە وسىرىلەدى. كەيىن تابيعي ورتاعا جىبەرۋگە دايىن بولعانعا دەيىن ارنايى توعاندارعا اۋىستىرىلادى. شاباقتاردىڭ ورتاشا سالماعى 3 گراممدى قۇراعان سوڭ تابيعي ورتاعا جىبەرىلەدى»، - دەيدى اسلان جەڭىس ۇلى.

ەسكە سالا كەتەلىك، بۇدان بۇرىن اتىراۋ بالىقشىلارى 200 كەلى تارتاتىن الىپ قورتپا اۋلاپ، كەيىن ودان 35 كەلى ۋىلدىرىق الىنعان ەدى.



سوڭعى جاڭالىقتار