اتىراۋلىقتار اۋلاعان الىپ بالىقتان 35 كەلى ۋىلدىرىق الىندى

نۇر- سۇلتان. قازاقپارات - اتىراۋ بالىقشىلارى جۋىردا جايىق وزەنىنىڭ «كىشى دامبى» تارتىمىنان سالماعى 200 كەلىگە جۋىق قورتپا اۋلاعان بولاتىن.
None
None

بەكىرە تۇقىمداس باعالى بالىقتان 35 كەلى ۋىلدىرىق الىندى، دەپ حابارلايدى قازاقپارات ق ر ە گ ت ر م بالىق شارۋاشىلىعى كوميتەتىنىڭ باسپا ءسوز قىزمەتىنە سىلتەمە جاساپ.

ۇرىقتانعان ۋىلدىرىقتار دەرناسىلدىك كەزەڭگە دەيىن ينكۋباتورلارعا ورنالاستىرىلادى. سودان كەيىن ولار باسسەيندەردە جەتىلىپ، ءوسىرۋ توعاندارىنا اۋىستىرىلادى. وسىرىلگەن جاس بەكىرە تۇقىمداس قورتپا شاباقتارى بيىلعى شىلدە- تامىز ايلارىندا تابيعي ورتاعا جىبەرىلەدى. بالىق شارۋاشىلىعى كوميتەتىنىڭ باسپا ءسوز قىزمەتى انالىق قورتپانىڭ جاعدايى قاناعاتتانارلىق ەكەنىن حابارلايدى. ءۇيسىندىرۋ ارەكەتىنىڭ ناتيجەسىنە قاراي، انالىق بالىق شاباقتاردى كوبەيتۋ ماقساتىندا توعانداردا وسىرىلەدى. ال جاساندى جاعدايدا ۇستاۋ مۇمكىن بولماسا، كاسپي تەڭىزىنە جىبەرىلەدى. كوميتەتتىڭ بالىق ءوسىرۋ كاسىپورىندارى جىل سايىن مەملەكەتتىك تاپسىرىس شەڭبەرىندە رەسۋرستاردى جاساندى تۇردە مولايتۋ جونىندەگى ءىس- شارالاردى جۇزەگە اسىرادى. وسى جىلعى ماۋسىم باستالعاننان بەرى «ورال- اتىراۋ بەكىرە بالىق ءوسىرۋ زاۋىتى» ر م ق ك بەكىرە بالىق تۇرلەرىنىڭ 55 داناسىن اۋلادى.


بيىل تابيعي مەكەندەۋ ورتاسىنا باعالى بالىق تۇرلەرىنىڭ 93,1 ميلليون شاباعىن، ونىڭ ىشىندە 7,5 ميلليون بەكىرە شاباقتارىن شىعارۋ جوسپارلانعان. بۇعان دەيىن جازىلعانداي، 19-ساۋىردە اتىراۋ بالىقشىلارى 200 كەلى تارتاتىن الىپ قورتپا اۋلادى.

سوڭعى جاڭالىقتار