الداعى ءۇش كۇندە 35 گرادۋس اياز بولادى

نۇر-سۇلتان. قازاقپارات - سينوپتيكتەر 9-11-جەلتوقسان ارالىعىندا قازاقستاندا اۋا رايى قانداي بولاتىنىن ايتتى، دەپ حابارلايدى قازاقپارات «قازگيدرومەت» ر م ك باسپا ءسوز قىزمەتىنە سىلتەمە جاساپ.

9-جەلتوقساندا ەل اۋماعىنىڭ باسىم بولىگىنە جاۋىن- شاشىنسىز اۋا رايىن الىپ كەلەدى. ايماق كەڭ انتيتسيكلوننىڭ ىقپالىندا بولادى. سولايشا تۇندە قازاقستاننىڭ سولتۇستىگىندە، شىعىسىندا جانە ورتالىعىندا اۋا تەمپەراتۋراسى 20-25-كە دەيىن، كەي جەرلەردە - 30 ايازعا دەيىن، 10 جەلتوقساندا شىعىس قازاقستان وبلىسىنىڭ سولتۇستىك- شىعىسىندا - 35 گرادۋس ايازعا دەيىن تومەندەيدى.

ەلدىڭ باتىس وڭىرلەرىنە قارا تەڭىز اۋداندارىنان كەلگەن سيكلون اسەر ەتە باستايدى. ول كەيىنگى ەكى تاۋلىكتە رەسپۋبليكانىڭ قالعان اۋماقتارىنا - شىعىسقا قاراي اۋىسىپ، وزىمەن بىرگە جاۋىن- شاشىن (جاڭبىر، قار)، كوكتايعاق الا كەلەدى. جەلدىڭ ەكپىنى 15-25 م/س دەيىن كۇشەيەدى. 11 جەلتوقساننىڭ تۇنىندە رەسپۋبليكانىڭ سولتۇستىك جارتىسىندا اۋا تەمپەراتۋراسى 5-10 عا، كەي جەرلەردە 15-20 عا، شىعىس قازاقستان وبلىسىنىڭ سولتۇستىك- شىعىسىندا 25 ايازعا دەيىن سۋىتادى.