بيىل وڭتۇستىك وبلىستاردان 35 وتباسى سەمەيگە كوشىپ بارعان
قازاننىڭ سوڭعى جەكسەنبىسىندە قازاقستاندا الەۋمەتتىك قىزمەتكەرلەر كۇنى اتاپ وتىلەدى. وسىعان وراي سەمەي قالاسىنىڭ اكىمى باقىتجان باياحمەتوۆ الەۋمەتتىك قىزمەتكەرلەر كۇنىنە ارنالعان سالتاناتتى جيىنعا قاتىستى.
جىل باسىنان بەرى سەمەي قالاسىندا ەڭبەك دەلدالدىعىنا 4823 ادام جۇگىنگەن. ونىڭ ىشىندە 2182 ادام تۇراقتى جۇمىس ورىندارىنا، 208 ادام ۋاقىتشا الەۋمەتتىك جۇمىس ورىندارىنا جۇمىسقا ورنالاستىرىلدى. وقۋ ورىندارىنىڭ 356 تۇلەگى جاستار پراكتيكاسىنا جىبەرىلىپ، 900 جۇمىسسىز ادام قوعامدىق جۇمىستارعا قاتىستى. 78 ادامعا قولدانىستاعى بيزنەستى كەڭەيتۋگە شاعىن نەسيەلەر بەرىلدى. ەڭبەك نارىعىندا سۇرانىسقا يە ماماندىقتار بويىنشا قىسقا مەرزىمدى كاسىپتىك وقىتۋعا 363 ادام جىبەرىلدى. 183 ادام كاسىپكەرلىك نەگىزدەرىنە وقىتىلدى. بيزنەس- يدەيالاردى ىسكە اسىرۋعا 200 ا ە ك- تەن (583400 تەڭگە) مەملەكەتتىك گرانتتاردى 163 ادام الدى.
35 وتباسى (68 ادام) الماتى، جامبىل، قىزىلوردا جانە تۇركىستان وبلىستارى سياقتى جۇمىس كۇشى ارتىق وڭىرلەردەن جانە نۇر-سۇلتان، الماتى قالالارىنان قونىس اۋداردى. سونىڭ ىشىندە ءبىر قانداس رەسەي مەملەكەتىنەن كوشىپ كەلدى. تىركەلگەن ەڭبەك نارىعىنداعى جۇمىسسىزدار سانى - 1859 ادام. سونىمەن قاتار، 2708 وتباسىنا (11130 ادام) مەملەكەتتىك اتاۋلى الەۋمەتتىك كومەك، 863 وتباسىنا تۇرعىن ءۇي كومەگى كورسەتىلدى.
1 جاستان 6 جاسقا دەيىنگى 3170 بالاعا ازىق- تۇلىك جيىنتىعى جانە تۇرمىستىق حيميا تاۋارلارى تۇرىندەگى كەپىلدەندىرىلگەن الەۋمەتتىك پاكەت بەرىلدى. مەرەكەلىك جانە اتاۋلى كۇندەرگە جەرگىلىكتى وكىلەتتى ورگانداردىڭ شەشىمى بويىنشا مۇقتاج ازاماتتاردىڭ 19521 جەكەلەگەن ساناتتارىنا الەۋمەتتىك قولداۋ كورسەتىلدى. ەسەپتى كەزەڭدە 1570 ادام - مۇمكىندىگى شەكتەۋلى ادامدار تەحنيكالىق كومەكشى قۇرالدارمەن، 443 مۇگەدەك پروتەزدىك- ورتوپەديالىق قۇرالدارمەن قامتاماسىز ەتىلدى.
ىمداۋ ءتىلى ماماندارىنىڭ قىزمەتتەرىن ەستۋ بويىنشا 169 مۇگەدەك، ءجۇرىپ-تۇرۋى قيىن ءبىرىنشى توپتاعى 450 مۇگەدەك پايدالانىپ، جەكە كومەكشىلەردىڭ قىزمەتتەرىن الدى. جىل باسىنان بەرى شيپاجايلاردا 270 ادام دەنساۋلىعىن جاقسارتتى. ۇيدە تاربيەلەنەتىن جانە وقيتىن 251 مۇگەدەك بالالارعا ماتەريالدىق كومەك كورسەتىلدى.