قازاقستاندا كوروناۆيرۋس ءوسىمى 35 پايىزعا تومەندەدى
«الەمدە COVID-19-پەن ناۋقاستانۋ جانە ودان ءولىم- جىتىمگە قاتىستى احۋال ءالى دە قۇبىلمالى بولىپ تۇر. الەمدە جالپى كۆي- ءدىڭ 244 ميلليوننان استام جاعدايى تىركەلگەن. كۇن سايىن 300 مىڭنان استام جاعداي تىركەلىپ جاتىر. 4,6 ميللليوننان استام ادام قازا تاپتى. دۇنيەجۇزىلىك دەنساۋلىق ساقتاۋ ۇيىمىنىڭ ەۋروپالىق ءوڭىرى مالىمەتتەرىنە سايكەس، سوڭعى 2 اپتادا 54 ەلدىڭ 26-سىندا اۋرۋدىڭ ءوسىمى بايقالادى»، - دەدى مينيستر.
ونىڭ اتاپ وتۋىنششە، سوڭعى 7 كۇندە كوروناۆيرۋستىڭ ەڭ جوعارى ءوسىمى ماجارستاندا 100 پايىز، ۋكراينا، پولشا، مولدوۆادا 60-80 پايىز، اۋستريا، گەرمانيا، بەلارۋستە 30-50 پايىز، چەرنوگوريا، ارمەنيا جانە يزرايلدە 8-20 پايىز بولعان. ال يسپانيادا اۋرۋ ءوسىمى 60، فرانسيادا 40، گرۋزيادا 39، ازەربايجاندا 16، يتاليادا، شۆەيتساريادا 12، رەسەيدە 9 پايىزعا تومەندەگەن.
«قازاقستاندا اۋرۋ ءوسىمى سوڭعى 2 اپتادا 35 پايىزعا تومەندەدى»، - دەدى الەكسەي سوي.
سوڭعى اپتادا قازاقستاندا اۋرۋ دەڭگەيى 14 پايىزعا تومەندەپ، اپتاسىنا 31 مىڭ جاعدايدان 25 مىڭعا دەيىن قىسقاردى.
