اتىراۋ وبلىسىنداعى اتىس: 35 جاستاعى جىگىت مەرت بولدى

اتىراۋ. قازاقپارات - اتىراۋ وبلىسىندا اتىس سالدارىنان 35 جاستاعى جىگىت قازا تاپتى، دەپ حابارلايدى قازاقپارات.

وبلىستىق پوليتسيا دەپارتامەنتى باسپا ءسوز قىزمەتىنىڭ حابارلاۋىنشا، وقىس وقيعا 15- مامىردا ماقات كەنتىندە بولعان.

اتىس قارۋىنان 1985-جىلى تۋعان جەرگىلىكتى جىگىت جاراقات الىپ، وقيعا ورنىندا كوز جۇمعان.

پوليتسيا قىزمەتكەرلەرى 2 كۇدىكتىنى انىقتاعان. ونىڭ بىرەۋى ۇستالىپ، قاماۋعا الىندى. سوتقا دەيىنگى تەرگەپ-تەكسەرۋ ق ر قىلمىستىق كودەكسىنىڭ 99-بابىنىڭ 1-بولىمىمەن (ادام ءولتىرۋ) جۇرگىزىلىپ جاتىر.

«وزگە اقپارات ق ر قىلمىستىق-پروتسەستىك كودەكسىنىڭ 201-بابىنا سايكەس جاريالاۋعا جاتپايدى»، - دەپ حابارلادى باسپا ءسوز قىزمەتى.