اتىراۋدا 35 پاتەر توناعان توپ قولعا ءتۇستى
پوليتسيا قىزمەتكەرلەرى اتىراۋدا بىرنەشە پاتەردى تونادى دەگەن كۇدىكپەن جىلىوي اۋدانىنىڭ ەكى تۇرعىنىن ۇستادى.
ولار كۇدىكتى بولىپ وتىرعان ۇرلىقتىڭ باسى 2018 -جىلى باستالىپ، قازىرگە دەيىن تولاستاماعان. ۇرىلار ۇيلەردىڭ پلاستيك تەرەزەلەر بۇزىپ كىرىپ، قولىنا ىلىنگەنىن الىپ كەتىپ جۇرگەن. نوۋتبۋكتەر، اشەكەي بۇيىمدارى، تەلەفوندار، گادجەت اتاۋلىنىڭ كەز كەلگەن ءتۇرى، كەڭسە تەحنيكالارى، قولساعاتتار، ءتىپتى قۇرىلىس اسپاپتارىنا دەيىن دىمىن قالدىرماي ۇرلاعان.
«ۇستالعانداردىڭ 35 ۇرلىققا قاتىسى بارى انىقتالدى. كۇدىكتىلەر قازىر قاماۋدا وتىر، ولارعا قاتىستى ق ر قىلمىستىق كودەكسىنىڭ 188-بابىنىڭ 3-بولىگىمەن سوتقا دەيىنگى تەرگەپ- تەكسەرۋ باستالدى»، - دەيدى وڭىرلىك پوليتسيا دەپارتامەنتىنىڭ باسپا ءسوز قىزمەتى.
تاركىلەنگەن زاتتاردىڭ كوپشىلىگىنىڭ يەلەرى ءالى تابىلعان جوق. وسىعان بايلانىستى، پوليتسەيلەر جابىرلەنگەن ازاماتتاردىڭ №1 -قالالىق پوليتسيا بولىمىنە حابارلاسۋىن سۇرايدى.
اۆتور: ا. سوكولوۆ