الەم چەمپيونى دينارا سادۋاقاسوۆا 35 وقۋشىمەن ءبىر مەزگىلدە شاحمات وينادى

None
None
استانا. قازاقپارات - حالىقارالىق گروسسمەيستەر دينارا سادۋاقاسوۆا استاناداعى 59№  مەكتەپ-ليتسەيدىڭ وقۋشىلارى ءۇشىن ءبىر مەزگىلدى شاحمات ويىنىنىڭ سەانسىن وتكىزدى، دەپ حابارلايدى قازاقپارات ەلوردا اكىمدىگىنىڭ رەسمي سايتىنا سىلتەمە جاساپ.

تۋرنيرگە 7 مەن 17 جاس ارالىعىنداعى 35 وقۋشى قاتىستى. بارلىعى جاقسى ويىن ورنەگىن كورسەتتى.

دينارا بالالاردىڭ شاحماتقا دەگەن زور قىزىعۋشىلىعىن اتاپ ءوتتى جانە الداعى ۋاقىتتا ولاردىڭ ۇلكەن جەتىستىكتەرگە جەتەتىنىنە سەنىم ءبىلدىردى.

ءوز كەزەگىندە وقۋشىلار الەم چەمپيونىنا العىستارىن ءبىلدىردى.

سونداي-اق اتالمىش 59№  مەكتەپ-ليتسەيدە جاقىن ارادا دينارا سادۋاقاسوۆانىڭ شاحمات اكادەمياسى فيليالىنىڭ اشىلاتىندىعى بەلگىلى بولدى.

سوڭعى جاڭالىقتار