16:10, 25 - اقپان 2018 | GMT +5
اسكەرگە 35 مىڭداي قازاقستاندىق شاقىرىلماق
استانا. قازاقپارات - وتان الدىنداعى بورىشىن وتەۋ ءۇشىن بيىل شامامەن 35 مىڭ قازاقستاندىق ازامات اسكەر قاتارىنا شاقىرىلادى.
قازاقستان رەسپۋبليكاسى قارۋلى كۇشتەرى باس شتابىنىڭ دەپارتامەنت باسشىسى مۋسليم دايروۆ وسىلاي دەدى. قورعانىس مينيسترلىگىنىڭ وكىلدەرى وتكەن جىلعى جۇمىستى قورىتىندىلاپ، بيىلدىقتىڭ جوسپارىن پىسىقتادى. بۇدان بولەك، جيىن بارىسىندا اسكەردىڭ جاساقتالۋى، مەديتسينالىق كوميسسيالاردىڭ جۇمىسى مەن مەكتەپتە ۇيىمداستىرىلاتىن العاشقى اسكەري دايىندىق شارالارى دا ءسوز بولدى.
مۋسليم دايروۆ، ق ر قارۋلى كۇشتەرى باس شتابىنىڭ دەپارتامەنت باسشىسى:
- استانا مەن الماتى جانە وبلىستارداعى اسكەرگە شاقىرۋ جانە اسكەري- دارىگەرلىك كوميسسيالاردىڭ ءتوراعالارى، قورعانىس ىستەرى دەپارتامەنتىنىڭ باسشىلارى مەن ورىنباسارلارىنا ناقتى تاپسىرمالار بەرىلدى. جالپى، بيىل قارۋلى كۇشتەر قاتارىنا 35 مىڭ ازاماتتى شاقىرۋ كوزدەلىپ وتىر.
